ဧရာဝတီတိုင်းဒေသကြီးအတွင်းရှိ ငရုတ်သီးများမိုးရေထိမှုကြောင့် ထိခိုက်ပျက်စီး

ယခုလဆန်းပိုင်းအတွင်းက ဧရာဝတီတိုင်းဒေသကြီးအတွင်းရှိ ငရုတ်သီးများ မိုးရွာသွန်းမှုကြောင့် ငရုတ်သီးများ ထိခိုက်ပျက်စီးမှုများ ရှိနေကြောင်း ငရုတ်သီးစျေးကွက်နှင့် နည်းပညာ ဖွံ့ဖြိုးတိုးတက်ရေး အသင်းမှသိရပါတယ်။

မိုးရွာသွန်းမှုကြောင့် ငရုတ်အပင်များညိုးကာ ထိခိုက်ပျက်စီးမှုများရှိသွားကြောင်း ငရုတ်သီးစျေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ ဥက္ကဌဒေါ်ဥမ္မာကျော်ကပြောပါတယ်။

“ ဟိုးတလောက မိုးရွာသွန်းလိုက်တော့ ဧရာဝတီတိုင်းဒေသကြီး အတွင်းထဲမှာ စိုက်ထားတဲ့ ငရုတ်ပင်တော်တော်များများ ထိခိုက်ပျက်စီးမှုတွေ ရှိလာတယ်။ အပင်တွေညိုးလာတယ်။ အပင်တွေက တက်လည်းမလာတော့ဘူး”

မိုးရွာသွန်းမှုကြောင့် ထိခိုက်ပျက်စီးမှုရှိတဲ့ ငရုတ်ပင်များကို ပြန်လည်ပြုပြင်စိုက်ပျိုးနေတယ်လို့ ညောင်တုန်းမြို့နယ်မှ ငရုတ်စိုက်တောင်သူ ဦးစောဆန်းက ပြောပါတယ်။

“ မိုးတွေရွာလိုက်တော့ ငရုတ်ပင်တွေတော်တော်များများထိခိုက်သွားတယ်။ အခုတော့ တောင်သူတွေ အကုန်လုံးက ပြန်ပြီးတော့ ပြုပြင်စိုက်ပျိုးနေပါတယ်”

မြန်မာ့ငရုတ်ကို ဧရာဝတီတိုင်းဒေသကြီးမှာ အများဆုံးစိုက်ပျိုးတာဖြစ်ပြီး ကျောက်ဆည်မှာလည်း စိုက်ပျိုးကြောင်း အဆိုပါအသင်းမှ သိရပါတယ်။

မြန်မာ့ငရုတ်ကို ပြည်ပစျေးကွက်နိုင်ငံများကိုလည်း တင်ပို့နေကြောင်း ငရုတ်သီးစျေးကွက်နှင့် နည်းပညာ ဖွံ့ဖြိုးတိုးတက်ရေးအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ