ဆွေမျိုးနီးစပ်ဝက်အချင်းချင်း သားစပ်ခြင်းရဲ့ ဆိုးကျိုးများ

ဝက်များအား မျိုးနီးသားစပ်ခြင်းဆိုသည်မှာ ဆွေမျိုးတော်စပ်မှုရှိသော ဝက်အချင်းချင်းအား သားစပ်ခြင်းကိုဆိုလိုပါတယ်။

ဥပမာ-(က) ဖခင်(ဝက်သိုး) နှင့် သမီး(ဝက်မ)

(ခ) မိခင်(ဝက်မ) နှင့် သား(ဝက်သိုး)

(ဂ) ဝက်မောင်နှမအချင်းချင်းတို့ကို သားစပ်ခြင်းတို့ ဖြစ်ပါတယ်။

ဝက်များကို မျိုးနီးသားစပ်ခြင်းဖြင့် ရရှိလာမည့်ဆိုးကျိုးများ မှာ-

၁။ မျိုးဝက်မကြီးများတွင် နို့ထွက်နှုန်းနည်းခြင်း၊ မိခင်စိတ် နည်းခြင်း၊

၂။ ဝက်မများ မွေးဖွားကောင်ရေ လျော့နည်းခြင်း၊

၃။ ဝက်မဒန်း နှင့် ဝက်သိုးများတွင် အရွယ်ရောက်ချိန်နောက်ကျခြင်း၊နှောင့်နှေးခြင်း၊

၄။ ဝက်သိုးများ လိင်စိတ်နည်းပါးခြင်း၊

၅။ ဝက်မဒန်းများတွင် သားဥကြွေနှုန်း နည်းပါးခြင်း၊မွေးဖွားကောင်ရေ လျော့နည်းခြင်း၊

၆။ သေနှုန်းများခြင်းတို့ ဖြစ်ပွားနိုင်ပါတယ်။

မျိုးနီးသားစပ်ခြင်းအား ကာကွယ်ရန် အချက်များမှာ-

၁။ ဝက်သိုးကောင်ရေများများ မွေးမြူသင့်ပါတယ်။

၂။ ဝက်သိုးကို အချိန်အကြာကြီး မွေးမြူခြင်း မပြုသင့်ပေ။

၃။ မျိုးနီးစပ်မှုခြင်း မရှိတဲ့ ဝက်ခြံမှဝက်သိုးကို ဝယ်ယူမွေးမြူရပါမယ်။

၄။ မိမိဝက်ခြံမှာရှိတဲ့ ဝက်တွေရဲ့ အချက်အလက်များကို သိရှိထားရပါမယ်။

ဝက်များမျိုးနီးသားစပ်ခြင်းမှ ကင်းဝေးပြီး ဝက်ကောင်ရေများ တိုးပွားနိုင်ကြပါစေ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ