နွားနို့ကနေ ထောပတ်လုပ်ကြည့်မယ်

ထောပတ်တွေကို အပြင်မှာမဝယ်ရတော့ပဲ ကိုယ်တိုင်စိတ်ကြိုက်လုပ်နိုင်တဲ့ အိမ်တွင်းထောပတ်လုပ်နည်းလေးကို မျှဝေပေးပါရစေ။ နွားနို့စိမ်း ဂါလံဝက်နဲ့ ဆားအနည်းငယ်ပဲ လိုအပ်ပါမယ်ဗျ။

ပြုလုပ်နည်းတွေကတော့.....

၁။ နွားနို့အစိမ်းတွေကို အဝကျယ်ပုလင်းထဲထည့်ပြီး ရေခဲသေတ္တာထဲမှာ ၁ ရက် ၂ ရက်လောက် ထားလိုက်ပါ။ နို့ထဲက ခရင်မ်အဖတ်တွေဖြစ်ဖို့ အချိန်ပေးတဲ့သဘောပါ။ လိုချင်တဲ့အနေအထားလောက် ခရင်အဖတ်တွေရပြီဆိုရင်တော့ ထောပတ်လုပ်လို့ရပါပြီ။

၂။ ထောပတ်လုပ်ဖို့ အတွက် အသုံးပြုမယ့်ဖန်ပုလင်းတွေကို ရေနွေးနဲ့ပြုတ်လိုက်ပါ။ ပိုးတွေသေမှ ထောပတ်က တာရှည်အထားခံမယ်ဗျ။ ၁၀ မိနစ်လောက်ပြုတ်ရင် ရပါပြီ။

၃။ ပြီးရင်တော့ ရေခဲသတ္တာထဲမျာရှိတဲ့နို့ပုလင်းထဲက အပေါ်ယံတက်နေတဲ့ မလိုင်ဖက်တွေကို ဆယ်ယူပြီး ပိုးသန့်ထားတဲ့ ပုလင်းထဲထည့်ပါ။

၄။ ထောပတ်ဖြစ်တာပိုမြန်အောင်လို့ နို့ချဉ် ၂ ဇွန်းလောက် ထည့်ပါ။ ဗီနီကာထည့်လည်းရပါတယ် ။

၅။ ပြီးရင်တော့ အဖုံးပိတ်ပြီး ၂၄ ဒီဂရီစင်တီဂရိတ်လောက်ရောက်အောင် အအေးခံလိုက်ပါ။ ရေခဲပုံးထဲထည့်ပြီးအအေးခံလို့ရပါတယ်။

၆။ အအေးခံပြီးရင်တော့ အဖုံးကိုကြပ်ကြပ်ပိတ်ပြီး ၅ မိနစ်ကနေ ၁၂ မိနစ်လောက်ထိ လှုပ်ပါ။ အထဲက မလိုင်ဖက်တွေ စခဲတာကို တွေ့ရမှာပါ။ မလှုပ်ချင်ဘူးဆိုရင်တော့ မွှေတဲ့အတံလေးကို သုံးလို့ရပါတယ်ဗျ။

၇။ ထို့နောက် အဝတ်ပါးစလေးနဲ့ မလိုင်ဖက်တွေကို စစ်ယူပါ။ စစ်ပြီးသား အဖတ်တွေပါတဲ့ အဝတ်ပါးစထုပ်လေးကို ရေခဲရေထဲထည့်အအေးခံပါ။ ပြီးရင်တော့ ရေတွေပြောင်အောင်စစ်လိုက်ပါ။ အဝတ်ပါးစလေးထဲမှာ ထောပတ်အခဲလေးကို ရနိုင်ပါပြီ။

၈။ ဆားအနည်းငယ်ဖြူးပြီး ကြိုက်နှစ်သက်ရာ အနံတွေရောစပ်နိုင်ပါတယ်။ ပုလင်းသန့်သန့်ထဲမှာသိမ်းမယ်ဆိုရင် ၃ ပတ်အထိ သိမ်းနိုင်ပါတယ်။ ရေခဲသေတ္တာထဲမှာ သိမ်းရင်တော့ ၆ လ ကနေ ၁၂ လထိသိမ်းထားနိုင်ပါတယ်ဗျ။

ကဲဒီလောက်ဆိုရင်တော့ မိတ်ဆွေတို့အိမ်မှာပဲ ထောပတ်လုပ်စားလို့ရသွားပါပြီဗျာ။

ထွန်းရာဇာ

Ref; https://www.wikihow.com/Make-Butter-from-Raw-Milk

How to Make Butter from Raw Milk

Making butter from raw, unpasteurized milk is a fun way to create your own dairy product. Let the cream from raw milk float to the top and then spoon it into a jar. Decide if you'd like to culture the butter which will give it a slight...