အိမ်မှာနေရင်း ပူတင်းဖုတ်မယ်

ဒီတစ်ခေါက်မှာတော့ အိမ်တွင်း မီးဖိုချောင်သုံး စားစရာလေးတွေနဲ့ ပူတင်းလုပ်စားကြည့်ကြရအောင်ပါ။ တစ်ချို့ကတော့ ဒီနည်းလမ်းကို ရင်းနှီးပြီးသားဖြစ်ပေမယ့် မသိသေးတဲ့သူတွေအတွက် နည်းလမ်းကောင်းလေး ဖေါ်ပြပေးလိုက်တယ်နော်။ ကြက်ဥပူတင်းကို ချိုချိုလေးစားကြမယ်။ လိုအပ်တဲ့ပစ္စည်းလေးတွေကတော့

၁။ ကြက်ဥ ၁လုံး

၂။ ပေါင်မုန့်ကြမ်း ၂ ချပ်

၃။ ငှက်ပျောသီး ၂ လုံး

၄။ One tea နို့ဆီ ၂ ချောင်း (ဒါကတော့ နို့ဆီဖစ်ရင်ပြီးတာပါပဲ အဆင်ပြေရာသုံးနိူင်ပါတယ်)

အထက်က ဖေါ်ပြခဲ့တဲ့ပစ္စည်းတွေကို စတီးဇလုံထဲမှာရောပြီး သမသွားအောင်နယ်ပါ။

ပြီးတဲ့အခါ ဟင်းချက်တဲ့ ဒယ်အိုးအကြီးထဲမှာ ရေအလွတ်ထည့်ပါ။ အဲ့ရေကို အပူပေးရင်း နယ်ပြီးသားစတီးဇလုံကိုထည့်၍ ပေါင်းခံပါ။ အဲ့နည်းက ပေါင်းချောင်ထဲထည့်တာနဲ့ သိပ်မကွာပါဘူး။ ပေါင်းချောင်မရှိတဲ့အိမ်က ပိုများတယ်လေ။ မိနစ် ၂၀ ခန့် အပူပေးပြီးနောက် အအေးခံပြီးရင်တော့ ဟုမ်းမိတ်ပူတင်းကို စားသုံးနိူင်ပါကြောင်း ။

အချိုမကြိုက်တဲ့သူတွေအတွက် နို့ဆီပမာဏကို လျှော့ထည့်ဖို့တော့ လိုပါမယ်။ ဒါ့အပြင် ငှက်ပျောသီးကို အရမ်းကြီး အမှည့်လွန်တွေသုံးရင်တော့ အရသာသိပ်မကောင်းတဲ့အပြင် ပျော့ပြဲပြဲကြီး ဖြစ်သွားတတ်ပါတယ်။ အပူမပေးခင်ထိ ပျော့ပြဲပြဲကြီးဖြစ်နေရင် ငှက်ပျောသီးနဲ့ ပေါင်မုန့်ထပ်ထည့်ဖို့တော့ သတိထားရပါမယ်။

Reference ဝော့ာမပေးတော့ဘူးနော်...ဟဲဟဲ။ ကိုယ်တိုင်လုပ်တဲ့နည်းမို့လို့ ၊ အဆင်ပြေကြပါစေ။

ပြည့်ဖြိုးသော်

B.Agr.Sc(soil and water science)