မြန်မာ့နာနတ်သီးကို ပြည်ပတင်ပို့နိုင်ရန် စီစဉ်ဆောင်ရွက်နေ

မြန်မာ့နာနတ်သီးကို ပြည်ပနိုင်ငံများကို တင်ပို့နိုင်ရန်အတွက် စီစဉ်ဆောင်ရွက်မှုများလုပ်ဆောင်နေကြောင်း မြန်မာအပြည်ပြည်ဆိုင်ရာ ကုန်သွယ်မှုမြှင့်တင်ရေးဗဟိုဌာနမှ သိရပါတယ်။

မြန်မာ့သီးနှံများရဲ့ ကျန်ရှိနေတဲ့သီးနှံများထဲက နာနတ်သီးကို အမြန်ဆုံးတင်ပို့နိုင်ရေးအတွက် ဆောင်ရွက်မှုများ လုပ်ဆောင်နေတာဖြစ်ကြောင်း မြန်မာအပြည်ပြည်ဆိုင်ရာကုန်သွယ်မှုမြှင့်တင်ရေး ဗဟိုဌာနမှ တာဝန်ခံ ဦးသက်လွင်ဦးက ပြောပါတယ်။

“နာနတ်သီးကို ထပ်ရဖို့ အခုဆက်လက်လုပ်ဆောင်နေတယ်။ ကျန်ရှိနေတဲ့ သီးနှံတွေထဲကမှနာနတ်သီးကိုလည်း တင်ပို့နိုင်ဖို့အတွက်လည်း လုပ်ဆောင်နေပါတယ်။ ကိုယ့်ဘက်ကလည်း လက်ထဲမှာ ပစ္စည်းတကယ်ရှိတယ်။ လက်ထဲမှာလည်း ပစ္စည်းရှိတယ်ဆိုမှ တင်ပို့ဖို့အဆင်ပြေမှာ”

ကျန်ရှိနေတဲ့ မြန်မာ့သီးနှံ(၄) မျိုးကို တရုတ်ကို ဆက်လက်တင်ပို့နိုင်ရန် စီစဉ်လုပ်ဆောင်နေတာဖြစ်ကြောင်းလည်း သိရပါတယ်။

မြန်မာ့သီးနှံ(၈) မျိုးထဲမှ သရက်သီး၊ ဇီးသီး၊ သခွားမွှေးနဲ့ ဖရဲကို တရုတ်ကို တင်ပို့ခွင့်ရရှိနေတာဖြစ်ကြောင်း မြန်မာအပြည်ပြည်ဆိုင်ရာ ကုန်သွယ်မှုမြှင့်တင်ရေးဗဟိုဌာနမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ