ကုလားပဲ မြစ်ခြောက်ဆွေး ရောဂါ

မြစ်ခြောက်ဆွေးရောဂါ (Dry Root Rot)

၁။ ရောဂါလက္ခဏာ

ရောဂါဖြစ်စေသက်ရှိမှာ Rhizoctonia bataticola ကြောင့် ဖြစ်ပါသည်။ ကုလားပဲ စိုက်ခင်းများတွင် အပင်သေများသည် နေရာအနှံ့တွင် ပြန့်ကျဲ၍ တွေ့ရှိနိုင်သည်။ ရောဂါဖြစ်သော အပင်သည် ထိပ်ဖျားညှိုးကျသည် မှအပ အခြားအရွက်များ ညှိုးကျခြင်းမရှိပါ။ အရွက်များနှင့် ပင်စည်များသည် တစ်ဖြည်းဖြည်း ကောက်ရိုးရောင်သို့ ပြောင်းသွားသည်။ တစ်ခါတစ်ရံ အောက်ပိုင်းရွက် များသည် အညိုရောင်ရှိတက်သည်။

အပင်ကို နှုတ်ကြည့်ပါက မြစ်မွှာများ ပြတ်ကျန်ခဲ့ပြီး ရေသောက်မြစ် တစ်ခုတည်းလောက်သာ တွေ့ရတက်သည်။ အမြစ်မှာခြောက်နေပြီး အမြစ်ပေါ်တွင် မီးခိုးရောင်မှိုမျှင်ကို တွေ့နိုင်သည်။ သေနေသောအမြစ်၏ အဖျားပိုင်းကို ချိုးကြည့်ပါက ကျွတ်ဆက်သည်ကိုတွေ့ရသည်။ အခေါက်၏ အတွင်းဘက်တွင် လည်းကောင်း၊ အသားထဲတွင်လည်းကောင်း၊ သေးငယ်သော အနက်လုံးငယ် (စကလိုရှား) ကလေးများ မှန်ဘီလူးအကူအညီဖြင့် တွေ့နိုင်ပါသည်။

၂။ ရောဂါသံသရာ

ဤရောဂါသည် အပူချိန် ၂၀ ဒီဂရီမှ ၃၀ ဒီဂရီစင်တီဂရိတ်ကျော်အတွင်း အဖြစ်များပြီး ဤအပူချိန်အတွင်း ရောဂါရုတ်တရက် ဆိုးရွားလာနိုင်ပါသည်။ ဤရောဂါသည် သဲနုံးမြေတွင် မြေစေးထက် ပိုမိုဖြစ်ပွားနိုင်ပါသည်။

၃။ ကာကွယ်နိုမ်နင်းနည်းများ

(၁) ရောဂါခံနိုင်သော မျိုးကိုသုံးပါ။

(၂) ပူသောရာသီလွတ်ရန် စိုက်ချိန်စောစိုက်ပါ။

(၃) Iprodione, Azoxystrobin, Benomyl, Carbendazim, Mancozeb စသော မှိုသတ်ဆေးတစ်မျိုးဖြင့် ပတ်ဖျန်းနိုင်ပါသည်။

ကိုးကား-ပဲမျိုးစုံတွင် ကျရောက်တတ်သော ပိုးမွှားရောဂါများနှင့် ကာကွယ်နှိမ်နင်းနည်းများ

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ