အလွယ်တကူ ပြုလုပ်လို့ရတဲ့ ကြက်ဥပေါင်း လုပ်နည်း

အားလုံးပဲမင်္ဂလာပါနော်။ ဒီတခါမှာတော့ လူကြိုက်များပြီး မိမိအိမ်မှာလည်း အလွယ်တကူ ပြုလုပ်လို့ရတဲ့ ကြက်ဥပေါင်း ပြုလုပ်နည်းကို မျှဝေပေးချင်ပါတယ်။

ပါဝင်ပစ္စည်း

ကြက်ဥ များ

ဆား

ငရုတ်ကောင်းမှုန့်

ပြုလုပ်နည်း

အရင်ဆုံး ကြက်ဥလေးတွေ ရေဆေး အပေါက် သေးသေးလေးတွေ ဖောက်ပြီး အထဲက အကာတွေ အနှစ်တွေကို စုပ်တံအသစ် (ဆေးထိုးအပ်အသစ်) နဲ့ စုပ်ထုတ်ပြီး ဇလုံကြီးကြီးထဲထည့်ထားလိုက်ပါ။

ပြီးတော့ ဆားနဲ့ ငရုတ်ကောင်းမှုန့် ထည့်ပြီး ရောမွှေ။ ရေလုံးဝမထည့်ပါနဲ့နော်။

ပြီးရင်တော့ စောစောက စုပ်ထားတဲ့ စုပ်တံလေးနဲ့ ပြန်စုတ်ပြီး စောစောကအပေါက် ဖောက်ထားတဲ့ ကြက်ဥလေးတွေထဲ တစ်ဝက်ကျော်ကျော်လောက် ပြန်ထည့်လိုက်ပါ။ (အပြည့်ထည့်ပြီး ပေါင်းရင် ပွတက်လာပြီး လျှံကြကုန်မှာ စိုးလို့ပါ)

ပြီးသွားရင်တော့ ကြက်ဥလေးတွေကို ပေါင်းအိုးနဲ့ ပေါင်းလို့ ရပါပြီ။ ပေါင်းအိုးမရှိရင် ထမင်းပေါင်းအိုးထဲရေထည့်ပြီး အပေါ်က ပေါင်းလို့ရတဲ့ ထမင်းအိုးမှာ အသင့်ပါပြီးသား အခံလေးပေါ်မှာ ကြက်ဥတွေကို တင်ပြီ ပေါင်းပေးပါ။

မိနစ် ၃၀ လောက် ပေါင်းပြီးရင်တော့ ကျက်ပါပြီ။ ပြီးရင်တော့ စားချင်သလိုလေး လှီးပြီး ပဲပုတ်အကျက်မှုန့်နဲ့ ဆား၊ ငရုတ်သီးမှုန့်နဲ့ ရောပြီး တို့စားလို့ ရပါပြီ။

MyFood Myanmar Website မှ ပြန်လည်ကူးယူဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ