ဝဥကို ဂျပန်နိုင်ငံမှ လာရောက်ဝယ်ယူနေ

ချင်းပြည်နယ်မှထွက်ရှိနေတဲ့ ဝဥကို ပြည်ပနိုင်ငံဖြစ်တဲ့ ဂျပန်နိုင်ငံက လာရောက်ဝယ်ယူနေကြောင်း ချင်းပြည်နယ် ဝဥစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

အခုလက်ရှိမှာ ဂျပန်နိုင်ငံက လာရောက်ဝယ်ယူနေတာဖြစ်ပြီး ပိဿာချိန် ၁၅၀၀၀ လောက်တင်ပို့ထားပြီဖြစ်ကြောင်း ချင်းပြည်နယ်ဝဥစိုက်ပျိုးထုတ်လုပ် တင်ပို့ရောင်းချသူများအသင်းမှ အကြံပေး ဦးဖွေးမနားက ပြောပါတယ်။

ဂျပန်နိုင်ငံက ဆင်းပြီးတော့လာပြီးဝယ်ယူနေတာ တစ်လလောက်တော့ရှိနေပါပြီ။ပိဿာချိန် ၁၅၀၀၀ လောက်လည်း တင်ပို့နေပြီ။ နောက်ထပ်လည်း ထပ်မံတင်ပို့နိုင်ဖို့အတွက် လုပ်ဆောင်နေပါတယ်။ အခုလက်ရှိမှာ ဂျပန်အပြင် တရုတ်နိုင်ငံကလည်း လာရောက်ဝယ်ယူနေပါတယ်

ဝဥမှာ တရုတ်နိုင်ငံမှလည်း ဝယ်လိုအားလိုက်လာတာကြောင့် စျေးနှုန်းမှာ ဖွင့်စျေးထက် တစ်ပိဿာ ကျပ် ၂၀၀ ဝန်းကျင် မြင့်တက်လာကြောင်းလည်း အဆိုပါအသင်းမှ သိရပါတယ်။

ဝဥကို ဂျပန်နိုင်ငံနဲ့ တရုတ်နိုင်ငံတို့ကို အဓိက တင်ပို့ရောင်းချနေတာဖြစ်ကြောင်းလည်း ချင်းပြည်နယ် ဝဥစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ