ခရမ်းချဉ်သီးပင်အဓိကစိုက်ပျိုးသူများ အခြားသီးနှံများကို ပြောင်းလဲစိုက်ပျိုးလာကြ

ယခင်က ခရမ်းချဉ်သီးပင် အဓိကစိုက်ပျိုးသူများမှာ လက်ရှိကြုံတွေ့နေရသော ဈေးကွက်အနေအထားအရ အခြားသီးနှံများကို ပြောင်းလဲစိုက်ပျိုးလာကြကြောင်း မန္တလေးတိုင်းဒေသကြီးရှိ တောင်သူများထံမှသိရသည်။

ခါတိုင်းနှစ်တွေကတော့ ကျွန်တော်တို့ဒေသမှာ ဒီအချိန်ဆို ခရမ်းချဉ်သီးအဓိကစိုက်ကြတာပဲ။ ဒီနှစ်မှာတော့ ခရမ်းချဉ်သီးက အခြေအနေမကောင်းလို့ ငရုတ်သီးစိုက်ဖို့ ဘောင်စဆွဲနေကြတယ်။ နောက်တစ်ခု ဝါသီးနှံကိုလည်း အများကြီးပြောင်းစိုက်လာကြတယ်။ ခရမ်းချဉ်အခြေအနေမကောင်းဘူးဆိုတာက ဒီနှစ်မှာ စိုက်ပျိုးရေးသုံးဆေးတွေက နှစ်ဆလောက်ဈေးတက်သွားတယ်လေ။ ခရမ်းချဉ်ကျတော့ ငရုတ်သီးစိုက်တာထက်ပိုပြီး ဆေးသုံးရတယ်လေ။ ခရမ်းချဉ်ဈေးကွက်ကလည်း မသေချာဘူး။ တာရှည်လည်းအထားမခံဘူးလေ။

ဟု မန္တလေးတိုင်းဒေသကြီး၊ ပြင်ဦးလွင်ခရိုင်၊ မတ္တရာမြို့နယ်၊ မြောင်းသစ်ကျေးရွာမှ တောင်သူ ကိုလှိုင်မိုးက ပြောသည်။

ဒေသအလိုက် ရာသီဥတုအပေါ်မူတည်၍ စိုက်ပျိုးရေးသုံး မြေဆီ/မြေဩဇာ၊ မှိုသတ်ဆေး၊ ပိုးသတ်ဆေးများ ပိုမိုသုံးစွဲပေးရသည့် ခရမ်းချဉ်သီးပင်စိုက်ပျိုးရေးကို စိုက်ပျိုးစရိတ်မကာမိသဖြင့် တောင်သူများမှ ယခုကဲ့သို့ လျော့ချစိုက်ပျိုးလာကြခြင်းဖြစ်သည်။

ငရုတ်သီးစိုက်တာကျတော့ ဈေးကွက်ကောင်းကောင်း မကောင်းကောင်း၊ အခြောက်လှမ်းထားလို့ရတယ်လေ။ စိုက်ပျိုးရေးဆေးကျတော့လည်း ငရုတ်က ခပ်ပါးပါးလိုက်ရင်ရတယ်လေ။ တစ်ခါတလေ ရေသွင်းပေးတာနဲ့ ပုံမှန်အပင်ပြုစုပေးတာလောက်ပဲလိုတာ။ ခရမ်းချဉ်ကျတော့ မိုးအုံ့လာတာနဲ့ ရာသီဥတုအပေါ်မူတည်ပြီး ပိုးသတ်ဆေးဖျန်းရ မှိုဆေးဖျန်းရနဲ့။ ဒီကြားထဲ အရွက်တွေတွန့်ခေါက် အထွတ်ထွတ်ထမှာကလည်း ကြောက်ရသေးတယ်။ ပြာသို၊ တပို့တွဲလောက်ဆိုလည်း ခရမ်းချဉ်က ရွက်ဝါလိုက်တတ်တယ်။ အဲ့ဒီအခါကျတော့ ဒီလိုကာလမှာ ဆေးဖိုးကုန်ကျမယ်ဆို ဘယ်လိုမှမလိုက်နိုင်တော့လို့ ခရမ်းချဉ်မစိုက်တော့တာပါ။

ဟု ကိုလှိုင်မိုးက ဆက်လက်ပြောသည်။

ငရုတ်သီးမျိုးထုပ်တစ်ထုပ်လျှင် (၅၅၀၀) ကျပ်ဝန်းကျင်၊ ခရမ်းချဉ်မျိုးထုပ်တစ်ထုပ်လျှင် (၁၀၀၀၀) ကျပ်ဝန်းကျင် ဈေးနှုန်းများ ရှိပြီး၊ 0.5 ဧက(တစ်ဧက၏တစ်ဝက်) စိုက်ပျိုးပါက မျိုးထုပ် (၂) ထုပ်ခန့် ထည့်သွင်းစိုက်ပျိုးရကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ