အော်ဂဲနစ်ချင်းခြောက်များကို နယ်သာလန်နိုင်ငံကို တင်ပို့သွားမည်

လာမည့်သုံးနှစ်အတွင်းမှာ အော်ဂဲနစ်ချင်းခြောက် တန်ချိန်(၃၀၀၀)ကို နယ်သာလန်နိုင်ငံကို တင်ပို့သွားမှာဖြစ်ကြောင်း ပလောင် လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တောင်သူများချင်းကို စီးပွားဖြစ်လုပ်သွားနိုင်ရန်အတွက် အော်ဂဲနစ်ချင်းများကိုစိုက်ပျိုးကာ သုံးနှစ်အတွင်းမှာ တင်ပို့သွားနိုင်ရန်အတွက် စီစဉ်လုပ်ဆောင်နေတာဖြစ်တယ်လို့ ပလောင်လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ အတွင်းရေးမှူး ဦးဇော်ညွှန့်ကပြောပါတယ်။

“နယ်သာလန်နိုင်ငံကနေပြီးတော့ မှာတဲ့အတွက် တင်ပို့နိုင်ဖို့ စီစဉ်လုပ်ဆောင်နေပါတယ်။ ဒီနှစ်မှာတော့ မျိုးတွေစပြီးစိုက်ပျိုးနေပါပြီ။ လာမယ့်သုံးနှစ်အတွင်းမှာ တင်ပို့နိုင်ဖို့အတွက် လုပ်ဆောင်နေပါတယ်။ တောင်သူတွေလည်း ချင်းကို စီးပွားဖြစ်လုပ်ကိုင်နိုင်ဖို့ ရည်ရွယ်ပြီး လုပ်ဆောင်သွားမှာပါ”

အော်ဂဲနစ်ချင်းမျိုးများကို ရှမ်းပြည်နယ်မြောက်ပိုင်းမှာ အများဆုံးစိုက်ပျိုးသွားမှာဖြစ်ပြီး ဧက(၃၀) ဝန်းကျင်စိုက်ပျိုးသွားမှာဖြစ်ကြောင်း အဆိုပါအသင်းမှ သိရပါတယ်။

အော်ဂဲနစ်ချင်းခြောက်များကို နယ်သာလန်နိုင်ငံမှ နည်းပညာများနဲ့မျိုးများပေးကာ စီစဉ်လုပ် ဆောင်သွားမှာဖြစ်ကြောင်းလည်း ပလောင်လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ