မြန်မာ့အစေ့ထုတ်ပြောင်းကို ဖေဖော်ဝါရီလမှာ ထိုင်းကိုစတင်တင်ပို့သွားမည်

ယခုနှစ် ဖေဖော်ဝါရီလဆန်းပိုင်းမှာစတင်ကာ မြန်မာ့အစေ့ထုတ်ပြောင်းကို ထိုင်းနိုင်ငံကို စတင် တင်ပို့သွားမှာဖြစ်ကြောင်း မြန်မာနိုင်ငံပြောင်းလုပ်ငန်းအသင်းမှ သိရပါတယ်။

ပြည်တွင်းမှာထွက်ရှိနေတဲ့ အစေ့ထုတ်ပြောင်းကို ထိုင်းနိုင်ငံမှဝယ်ယူရန် ကမ်းလှမ်းခဲ့တဲ့အတွက် လာမယ့်လ (၁) ရက်နေ့မှာစတင်ကာ တင်ပို့သွားမှာဖြစ်တယ်လို့ မြန်မာနိုင်ငံပြောင်းလုပ်ငန်းအသင်းမှ ဥက္ကဌ ဦးမင်းခိုင်ကပြောပါတယ်။

ထိုင်းနိုင်ငံက မြန်မာ့အစေ့ထုတ်ပြောင်းကို ဝယ်ယူဖို့အတွက် ကမ်းလှမ်းခဲ့ပြီးတော့ အခုဖေဖော်ဝါရီလ (၁) ရက်နေ့မှာ စတင်တင်ပို့သွားမှာပါ။ တန်ချိန်ကတော့ သူတို့ကလိုချင်တဲ့ပမဏကို ဝယ်ဖို့လည်း ကမ်းလှမ်းခဲ့ပါတယ်

ထိုင်းနိုင်ငံမှ မြန်မာ့အစေ့ထုတ်ပြောင်းကို ၁.၂၅ တန်ဝယ်ယူနိုင်ရန် ကမ်းလှမ်းခဲ့တာဖြစ်ကြောင်း အဆိုပါအသင်းမှသိရပါတယ်။

နှစ်နိုင်ငံစီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာနိုင်ငံပြောင်းလုပ်ငန်းအသင်းနဲ့ ထိုင်းနိုင်ငံ ကုန်သည်အစုအဖွဲ့အသင်းကြီးတို့မှ မြန်မာ့အစေ့ထုတ်ပြောင်းကို တင်ပို့နိုင်ရေးအတွက် ပူးပေါင်းဆောင်ရွက်ခဲ့တာဖြစ်ကြောင်းလည်း သိရပါတယ်။

မြန်မာ့အစေ့ထုတ်ပြောင်းကို တရုတ်နဲ့ ထိုင်းနိုင်ငံပြည်ပစျေးကွက်များကို တင်ပို့နေတာဖြစ်ကြောင်းလည်း မြန်မာနိုင်ငံပြောင်းလုပ်ငန်းအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ