မကွေးတိုင်း၌ ဖီးကြမ်းငှက်ပျောစိုက်ပျိုးမှု တိုးချဲ့များပြားလာ

၂၀၂၀ခုနှစ် စိုက်ပျိုးရာသီချိန်တွင် မကွေးတိုင်း၌ ဖီးကြမ်းငှက်ပျောစိုက်ပျိုးမှု ပိုမိုတိုးချဲ့များပြားလာကြောင်း ဒေသခံများက ပြောသည်။

စိုက်ပျိုးချိန်က မေလကနေ အောက်တိုဘာလအတွင်းပါ။ ဒီနှစ်မှာတော့ ငှက်ပျော စိုက်ပျိုးမှု စံချိန်တင် မြင့်မားလာတယ်။ အထူးသဖြင့် ဖီးကြမ်းငှက်ပျောကို စိုက်ပျိုးလာကြတယ်။ မကွေးတိုင်းမှာ ငှက်ပျောစီးပွားဖြစ်စိုက်ပျိုးရေးအတွက် ခြံသစ်တည်ပြီး တိုးချဲ့စိုက်ပျိုးသူတွေ များလွန်းလာပါတယ်။

ဟု မကွေးတိုင်း၊ ပွင့်ဖြူမြို့နယ်၊ မုန်ဇလဲကျေးရွာမှ ကိုမောင်နိုင်က ပြောသည်။

မကွေးတိုင်းဒေသကြီး ပွင့်ဖြူ၊ စလင်း၊ ဆင်ဖြူကျွန်း အစရှိသည့် ဒေသများ၌ ငှက်ပျောမျိုးပင်ဝယ်ယူမှု များပြားနေသဖြင့် မျိုးပင်ဈေးများလည်း မြင့်တက်လာကြောင်း မျိုးရောင်းချသူများက ဆိုသည်။

လက်ရှိမှာ မျိုးပင်တစ်ပင်ကို သုံးရာကျပ်နဲ့ရောင်းချနေတာပါ။ စလင်း၊ ဆင်ဖြူကျွန်းတောင်သူတွေ ငှက်ပျောကိုစိုက်လာကြတယ်။ ပွင့်ဖြူဘက်ကတောင်သူတွေလည်း တိုးချဲ့စိုက်လာတော့ မျိုးက အမြင့်ဆုံးဈေးကို ရောက်နေတယ်။

ဟု မကွေးတိုင်းမှ ငှက်ပျောပင် မျိုးရောင်းချသူတစ်ဦးက ပြောသည်။

ဖီးကြမ်းငှက်ပျောစိုက်ပျိုးပါက တစ်ဧကအတွက် စိုက်ပျိုးကုန်ကျစရိတ် (၆) သိန်းကျပ်မှ (၉) သိန်းကျပ်အတွင်း ကုန်ကျနိုင်ပြီး ယခုကဲ့သို့ စိုက်ဧကတိုးချဲ့များပြားခြင်းကြောင့် ငှက်ပျောပေါ်ချိန်တွင် ဈေးနှုန်းကျဆင်းမည့် အခြေအနေအတွက် စိုးရိမ်မှုများလည်း ရှိနေသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ