မှိုစိုက်နည်းမကျွမ်းကျင်ပါက အရှုံးပေါ်နိုင်

ကောက်ရိုးမှို စိုက်ပျိုးနည်းစနစ်ကို စနစ်တကျမတတ်ကျွမ်းပဲ စိုက်ပျိုးသူများမှာ မှန်းချက်နှင့်နှမ်းထွက် မကိုက် အရှုံးပေါ်နိုင်ကြောင်း စီးပွားဖြစ်စိုက်ပျိုးနေသူများက ဆိုသည်။

စိုက်ပျိုးပြီး (၉)ရက်မှ (၁၄)ရက်အတွင်း ငွေပြန်ပေါ်သည့် မှိုစိုက်ပျိုးရေးလုပ်ငန်းကို လက်တလော စိတ်ပါဝင်စားသူ များပြားသော်လည်း စနစ်တကျမစိုက်ပျိုးတတ်ခြင်းကြောင့် အရှုံးပေါ်သူများလည်း ရှိနေသည်။

မှိုစိုက်ပျိုးသူတွေ ကြုံနေရတာတော့ အမျိုးမျိုးပါဘဲ။ တစ်ဦးနဲ့တစ်ဦး မတူညီကြပါဘူး။ စိုက်ပျိုးရာမှာ အလေးထားသင့်တဲ့ အချက်တွေကို အလေးမထားခဲ့တဲ့အတွက် တက်လာတဲ့ပြဿနာတွေကို ခါးစည်းခံနေရသူတွေလည်း တွေ့ရပါတယ်။ အဆိုးဆုံးကတော့ စိုက်ပျိုးနည်းစနစ် အတိမ်အနက်ကို တစ်ခုမှ ရေရေရာရာမသိသေးပဲ စိုက်နေကြတာရယ်၊ သိသယောင်ထင်တာရယ်ကြောင့် အရှုံးပေါ်ကြတာပါ

ဟု စစ်ကိုင်းတိုင်း၊ မုံရွာမြို့ရှိ ကံပြားလေးမှိုခြံမှ ကောက်ရိုးမှိုစီးပွားဖြစ် စိုက်ပျိုးသူ ကိုသိန်းသန်းမောင်မောင်က ပြောသည်။

ကောက်ရိုးမှိုစိုက်ပျိုးရာတွင် အဓိကကြုံတွေ့ရသည့် စိုက်ပျိုးနည်းဆိုင်ရာ အခက်အခဲများမှာ

(၁)မှိုမျှင်မဆင်းခြင်း၊ (၂)မှိုသန္ဓေ မခဲခြင်း၊ (၃)မှိုဥများ ရိရော်ခြင်း၊ (၄)မှိုဥများ မဲခြင်း၊ (၅)မှိုဥများ ဖော့လိုပေါ့ခြင်း၊ (၆)မှိုဥများ သေးငယ်ခြင်း (၇)မှိုထွက်နှေးခြင်း စသည်တို့ ဖြစ်ပြီး၊ အရင်းအနှီး စိုက်ထုတ်နိုင်သည့် အင်အားမရှိခြင်းနှင့် စျေးကွက်သို့ အလျှင်မီအောင်မပို့နိုင်ခြင်း စသည့် အခက်အခဲများကိုလည်း ကြိုတင်တွက်ဆ စိုက်ပျိုးသင့်ကြောင်း ကိုယ်တိုင်စိုက်ပျိုးနေသူများထံမှ သိရသည်။

နန်းထက်ထက်ချစ်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ