မြန်မာနိုင်ငံ ရာသီဥတုစံနှုန်းတွေ ပြောင်းလဲမှုများအတွက် တောင်သူများသိရန်လို

မြန်မာနိုင်ငံရဲ့ ရာသီဥတုစံနှုန်းစနစ်တွေ ပြောင်းလဲမှုများရှိလာတာကြောင့် တောင်သူလယ်သမားများ သိရှိရန်လိုအပ်ကြောင်း ဇွန်လ (၂၂) ရက်နေ့က Novetel Hotel မှာကျင်းပပြုလုပ်တဲ့ ယောမင်းကြီးဇရပ် ဆွေးနွေးပွဲမှ သိရပါတယ်။

မြန်မာနိုင်ငံရဲ့ ရာသီဥတုစံတွေ ပြောင်းသွားပြီဖြစ်တဲ့အတွက် မိုးရာသီကာလဟာ စံနှုန်းအသစ်တွေ ဖြစ်လာတယ်လို့ မိုးလေဝသပညာရှင် ဒေါက်တာထွန်းလွင်က အဆိုပါဆွေးနွေးပွဲမှာ ပြောကြားခဲ့ပါတယ်။

“မိုးဝင်တာနောက်ကျတာ စောတာကို ရာသီဥတုကို လေ့လာနေသူတွေကတော့ သိတယ်။ လယ်သ မားတွေကျတော့ ဘယ်သိပါ့မလဲ။ လယ်သမားကတော့ အချိန်တန်ရင် လယ်ကွင်းဆင်းတာပေါ့။ ပျိုးကထောင်ပြီ။ မိုးမျှော်ပြီ။ မိုးကမလာဘူး။ အဲတော့ မျိုးတွေပုပ်ကုန်ရော။ ကျွန်တော်တို့ စံတွေပြောင်းသွားပြီ။ ကျွန်တော်တို့ လိုက်လျောညီထွေ ကျင့်သုံးဖို့လိုပါတယ်။ အထူးသဖြင့် လယ်သမားတွေ သိဖို့လိုပါတယ်။ ကျွန်တော်တို့မြန်မာနိုင်ငံရဲ့ မိုးရွာသွန်းမှုနှုန်းတွေဟာ ပုံစံအသစ်ဖြစ်နေပြီ”

မြန်မာနိုင်ငံရဲ့ မုတ်သုန်ရာသီမှာ အဝင်နောက်ကျလာတဲ့အတွက် မိုးရာသီကာလမှာ ယခင်ကထက် ရက် (၄၀) လျော့သွားတာဖြစ်ကြောင်း သိရပါတယ်။

အဆိုပါ ရာသီဥတုစံနှုန်းပြောင်းလဲမှုများ ဖြစ်ပေါ်တာကြောင့် တောင်သူလယ်သမားများကို သက်ဆိုင်ရာ ဌာနများကလည်းအသိပေး ရန်လိုအပ်ကြောင်း သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ