ပဲတီစိမ်း စတင်စိုက်ပျိုးသူများအနေဖြင့် မြေအမျိုးအစားကို အဓိကကြည့်ရှုပြီးမှ စိုက်ပျိုးသင့်

ပဲတီစိမ်း စတင်စိုက်ပျိုးသူများအနေဖြင့် အထွက်နှုန်းကောင်းမွန်စေရန်၊ အရည်အသွေးပြည့်မီစေရန်အတွက် အပင်ပြုစုထိန်းသိမ်းမှုများ လုပ်ဆောင်ပေးနိုင်ရမည့်အပြင် မစိုက်ပျိုးမီ မြေအမျိုးအစားကိုလည်း စနစ်တကျ ရွေးချယ်ကြည့်ရှုပြီးမှသာ စိုက်ပျိုးသင့်ကြောင်း စီးပွားဖြစ်စိုက်ပျိုးထုတ်လုပ်နေသူများက ပြောသည်။

ကျွန်တော်က ပဲတီစိမ်းပင်တစ်မျိုးတည်းကို ၅၅ ဧက စိုက်ပျိုးထားပါတယ်။ စီးပွားရေးအရ တွက်ခြေကိုက်တဲ့အတွက် မိရိုးဖလာစိုက်ပျိုးခဲ့တာပါ။ ပဲတီစိမ်းပင်ကို စတင်စိုက်ပျိုးမယ့်သူတွေအနေနဲ့ မြေအမျိုးအစားကို အဓိကထား ကြည့်ရှုလေ့လာပြီးမှ စိုက်ပျိုးသင့်ပါတယ်။ ပဲတီစိမ်းက ဘယ်လိုမြေအမျိုးအစားကို ကြိုက်သလဲဆိုတော့ မြေစေးလည်း မဟုတ်ရဘူး။ သဲမြေအမျိုးအစားလည်း မဟုတ်ရဘူး။ နည်းနည်း နှုန်းဆန်တဲ့မြေပေါ့။ စိမ့်စမ်းမြေမျိုးဖြစ်ပြီး၊ မြေက တအားလည်းမစေးရဘူးပေါ့။ အဲ့ဒီလိုမြေအမျိုးအစားမျိုးဆိုရင် ကောင်းကောင်း ဖြစ်ထွန်းပါတယ်။

ဟု ရန်ကုန်တိုင်းဒေသကြီး၊ သုံးခွမြို့နယ်၊ ရွာသစ်ကျေးရွာအုပ်စု၊ မကျီးပေါက်ကန်ကျေးရွာမှ ပဲတီစိမ်းပင် စီးပွားဖြစ် စိုက်ပျိုးထုတ်လုပ်နေသူ ဦးသူရထွန်းက ပြောသည်။

ပဲအမျိုးမျိုးအနက် ပဲတီစိမ်းဈေးကွက်မှာ နှစ်စဉ်ပုံမှန်မပြတ် လည်ပတ်နေပြီး၊ ၂၀၂၀ ခုနှစ်ပေါက်ဈေးများအရ ပဲတီစိမ်း ပိဿာချိန် ၂၀ (တစ်တင်း) လျှင် ၄၂၀၀၀ ကျပ် ရရှိခဲ့ကြောင်း သိရသည်။

ဈေးကွက်တင်ပို့ရာမှာတော့ အရည်အသွေးပိုင်းက အဓိကပါပဲ။ မိုးမိသွားတာမျိုးကြုံရင်တော့ ပဲတီစိမ်းအစေ့တွေထဲ အဝါဖက်သန်းတာလေးတွေ ရောပါသွားနိုင်ပါတယ်။ အဲ့ဒီလိုဆိုရင် ဈေးအနည်းငယ် လျော့ကျတတ်ပါတယ်။ ရိတ်သိမ်းခါနီး မရိတ်သိမ်းခင် အပင်ပေါ်မှာမိုးမိတာမျိုးကို သတိထားရတာပါ။ ပဲအားလုံး ဝါသွားတာတော့မဟုတ်ပေမယ့်၊ ပဲတီစိမ်းတွေထဲမှာမှ တစ်စေ့တစ်လေက ဝါနေတာမျိုးဆိုရင်ကို အရည်အသွေးကြောင့် ဈေးလျှော့ခံရတတ်ပါတယ်။ ပုံမှန်ရမယ့်ဈေးထက် ၂၀၀၀ ကျပ်လောက် ဈေးကွာသွားတတ်ပါတယ်။

ဟု ၎င်းက ဆက်လက်ပြောသည်။

ပဲတီစိမ်းပင်စိုက်ပျိုးရာတွင် အများအားဖြင့် နိုဝင်ဘာလတွင် စတင်စိုက်ပျိုးလေ့ရှိပြီး ဖေဖော်ဝါရီလတွင် ခူးဆွတ်ရိတ်သိမ်းလေ့ရှိကြောင်းသိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ