အပူပိုင်းဒေသများတွင် (၁၂)ရာသီစံပယ်များ တိုးချဲ့စိုက်ပျိုးသင့်

အပူပိုင်းဒေသများအတွင်း (၁၂) ရာသီစံပယ်များကို တစ်နိုင်တပိုင်ဖြစ်စေ၊ စီးပွားဖြစ် ဖြစ်စေ တိုးချဲ့စိုက်ပျိုးသင့်ကြောင်း စံပယ်ဈေးကွက်ကျွမ်းကျင်သူများက ပြောသည်။

ကိုဗစ်ကာလဖြစ်နေတာက တစ်ကြောင်း၊ နိုင်ငံရေးနဲ့ လမ်းပန်းအခက်အခဲကြောင့် တစ်ကြောင်း ပန်းတွေ ဈေးကွက်မကောင်းပေမယ့်လည်း ဒါက အခိုက်အတန့်တစ်ခုကို ကျော်လွှားနိုင်လာမှာပါ။ ဒီလိုမျိုး အချိန်တစ်ခုပြီးသွားရင်တော့ သူ့ဟာနဲ့သူ ပြန်လည်ပတ်လာမှာဖြစ်လို့၊ စံပယ်ပင်တွေကို တိုးချဲ့စိုက်ပျိုးထားရင် မမှားပါဘူး။ စံပယ်ပင် စိုက်ပျိုးတဲ့အခါမှာ စံပယ်မျိုးကွဲတွေက အမျိုးမျိုးရှိတဲ့အနက် တစ်နှစ်ပတ်လည်လုံး ပွင့်တဲ့ ဘုရားပန်းကပ်လှူရာမှာ၊ မင်္ဂလာပန်းကုံးလုပ်ရာမှာ အသုံးများတဲ့ ရေမွှေးစံပယ်လို့ ခေါ်တဲ့ ဆယ်နှစ်ရာသီစံပယ်မျိုးကို စီးပွားဖြစ်စိုက်ပျိုးသင့်တယ်။ ဒီစံပယ်က ဖြုန်းအားလည်းများတယ်။ ဈေးကွက်လည်း ခိုင်မာတယ်။ ရန်ကုန်လိုနေရာမျိုးမှာ စိုက်မယ်ဆိုရင် နေ့စဉ်ဖြုန်းအား မနည်းဘူးရနိုင်ပါတယ်။

ဟု ပဲခူးတိုင်းဒေသကြီး၊ တောင်ငူမြို့မှ စံပယ်ခြံလုပ်ငန်းလုပ်ကိုင်သူ ဦးခင်မောင်မြင့်က ပြောသည်။

မြန်မာနိုင်ငံတွင် စံပယ်မျိုးကွဲများစွာရှိသည့်အနက် ရေမွှေးစံပယ်/၁၂ရာသီစံပယ်၊ ရွှေစံပယ်၊ စံပယ် ကြက်ရုန်းကြီး/ ကြက်ရုန်းလေး၊ ဘိတ်သိတ်စံပယ် ပွင့်ကြီး/ပွင့်သေး စသည်ဖြင့် မျိုးပေါင်းများစွာရှိသည်။

စံပယ်ပင်က အပူပိုင်းဒေသတွေနဲ့ စိုက်ပျိုးရာမှာ အသင့်တော်ဆုံးဖြစ်တယ်။ စံပယ်ဈေးကွက်က အလားအလာကောင်းမွန်တာကြောင့် စိတ်ဝင်စားသူများလာတယ်။ ရန်ကုန်မြို့မှာ စိုက်ပျိုးဖို့အတွက်ဆိုပြီး မျိုးပင်မှာယူမှုတွေ ရှိလာတယ်။ ဟိုရက်ကဆို ရန်ကုန်မြို့ကနေပြီး ကျွန်တော့်ခြံကိုလှမ်းပြီး စံပယ်ဖူး တစ်နေ့ကို အဖူးရေနှစ်သိန်းယူချင်တယ်ဆိုပြီး မှာတာရှိတယ်။ တကယ်ဆိုရင် ရန်ကုန်တစ်မြို့တည်းရဲ့ စံပယ်ပန်းဖြုန်းအားက တစ်နေ့ကို အဖူးရေ ဆယ်သိန်းကနေ ဆယ့်ငါးသိန်းကြားအထိတောင် ရှိနေပါသေးတယ်။ ဒါ့ကြောင့်မို့လို့ အခုလတ်တလော အခြေအနေတွေကိုမကြည့်ဘဲ ရေရှည်အတွက် ဈေးကွက်ကောင်းနိုင်တာမို့ စံပယ်ခြံတွေ တိုးချဲ့စိုက်ပျိုးသင့်ပါတယ်။

ဟု ဦးခင်မောင်မြင့်က ဆက်လက်ပြောသည်။

စံပယ်ပင်များကို စီးပွားဖြစ်စိုက်ပျိုးမည်ဆိုပါက ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး အစရှိသည့် အပူပိုင်းနှင့် သမပိုင်းဒေသများတွင် စိုက်ပျိုးနိုင်ပြီး ရှမ်းပြည်နယ်တောင်ပိုင်း မြောက်ပိုင်း၊ ချင်းပြည်နယ်၊ ကချင်ပြည်နယ်နှင့် ပြင်ဦးလွင် အစရှိသည့် အအေးပိုင်းဒေသများတွင်မူ စိုက်ပျိုးရန်မသင့်ကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ