ငါးရောဂါစီမံခန့်ခွဲမှု

ငါးရောဂါ ဖြစ်ခဲ့လျှင် အဆင်ပြေအောင် ဖြေရှင်းလို့ရနိုင်မယ့် နည်းလမ်းလေးတွေ ပြောပြပေးလိုက်ရပါတယ်။

(၁) အခက်အခဲ - ငါးအနာအဆာရောဂါ

ဖြေရှင်းနည်းများ

- ၀.၀၁ ဧကကန်အတွက် အိမ်သုံးဆား ၂၅၀ ဂရမ် (၁၅ ကျပ်သားခန့်) နှင့် ထုံး ၂၅၀ ဂရမ် (၁၅ ကျပ်သားခန့်) (သို့) ထုံး ၃၀ ကျပ်သားခန့် ထည့်သွင်းနိုင်ပါသည်။ ၎င်းအချိန်အဆသုံးပြီးနောက် နောက်ထပ်သုံးပါက အထက်ပါနှုန်းထား၏ထက်ဝက်ကို ဆောင်းရာသီနောက်ပိုင်း တစ်လခြား သုံးစွဲ သွားနိုင်ပါသည်။

- ငါးကို ရေ (၁၀) လီတာတွင် ပိုတက်ဆီယမ်ပါမင်ဂနိတ် ၅ ဂရမ် (၀.၃ ကျပ်သားခန့်) ထည့်ဖျော် ထားသော ဖျော်ရည်တွင် ငါးကို ၁၀ စက္ကန့်ခန့် နှစ်ထားနိုင်ပါသည်။

- ၁ မီတာ (သို့) ၃ ပေအနက်ရှိသည့် ၀.၀၁ ကန်အတွက် ၂.၆၅ ဂရမ် (၁၆ ကျပ်သားခန့်) ပမာဏရှိ ဘက်တီးရီးယားပိုးသတ်ဆေးကို အသုံးပြုနိုင်ပါသည်။

(၂) အခက်အခဲ - အာဂူလပ်စ် (သို့) ကပ်ပါးကောင်တွယ်ကပ်ခြင်း (အာဂူလိုးဆစ်ရောဂါ)

ဖြေရှင်းနည်းများ

- ၀.၀၁ ဧကအကျယ် ရေအနက် တစ်ပေကန်အတွက် ကပ်ပါးကောင်များကို သတ်ပေးနိုင်သည့်ဆေး (အာဂူလက်ဇ်) ၈ မီလီလီတာ ထည့်ပေးပါ။

- ၀.၀၁ ဧကအကျယ် ရေအနက်တစ်ပေကန်အတွက် ဆူမီသီယွန် ၂-၃ စီစီ နှုန်းဖြင့် ဖျော်ပါ။ အဆစုစုပေါင်းတွက်ပြီး ကန်ရေပြင်အနှံ့ ဖျန်းပေးပါ။ တစ်ပါတ် ၇ ရက်ခြား (၃) ကြိမ်ဖျန်းပေးပါရန်။

My Culture