ဘုတလင်မြို့၌ မိုးသည်းထန်စွာရွာသွန်းမှုကြောင့် လမ်းများနှင့်လူနေအိမ်များ ရေကျော်လျှက်ရှိ

စစ်ကိုင်းတိုင်းဒေသကြီး၊ ဘုတလင်မြို့နယ်တွင် အောက်တိုဘာလ(၉)ရက် နံနက်ပိုင်း၌ မိုးသည်းထန်စွာ ရွာသွန်းမှုကြောင့် (ဘုတလင်-မောင်းထောင်)လမ်း အိုင်ပေါင်းချောင်ကျေးရွာ၊ ဆည်ဝကျေးရွာများရှိ လမ်းဘေး အနိမ့်ပိုင်းလမ်းများနှင့် လူနေအိမ်ဝင်းများသို့ မိုးရေများဝင်ရောက် လျှက်ရှိကြောင်းသိရသည်။ 

အဆိုပါ မိုးရေနစ်မြုပ်သည့်နေရာများသို့ ယနေ့ ညနေ (၃)နာရီအချိန်ကမြို့နယ်စီမံခန့်ခွဲမှုကော်မတီ ဥက္ကဋ္ဌ ဦးခင်မောင်ဇော် နှင့် အဖွဲ့ဝင်များ၊ ဌာနဆိုင်ရာတာဝန်ရှိသူများ ကွင်းဆင်းကြည့်ရှုခဲ့ကြပြီး မြို့နယ်မီးသတ် တပ်ဖွဲ့ဝင်များက ဒေသခံ ကျေးရွာပြည်သူများ သွားရေးလာရေးအဆင်ပြေ ချောမွေ့စေရန် ကူညီဆောင်ရွက် ပေးလျှက်ရှိကြောင်းသိရသည်။

သတင်းရင်းမြစ် - ရတနာပုံသတင်းစာ