ပန်းဈေးကွက် တစ်ပြည်လုံးအတိုင်းအတာဖြင့် အရောင်းအဝယ်အေးစက်

မြန်မာ့ပန်းဈေးကွက် တစ်ပြည်လုံးအတိုင်းအတာဖြင့် အရောင်းအဝယ် အေးစက်နေကြောင်း တောင်သူများက ပြောသည်။

အခမ်းအနားတွေမရှိတော့တဲ့အတွက် ဈေးကွက်က သိသိသာသာကျသွားတာပါ။ ပုံမှန်က တစ်နေ့ကို စံပယ်ပန်း အဖူးရေ ၂သိန်းလောက်ထွက်တာ။ အခုက အဖူးရေ ၂ သောင်း၊ ၃ သောင်းလောက် ဖြုန်းဖို့အရေး မနည်းလုပ်နေရတယ်။ လက်လီရောင်းသူတွေ ရောင်းမကောင်းတော့ ဖောက်သည်ကြီးတွေလည်း ရောင်းမကောင်းဘူး။ ရန်ကုန်ဈေးကွက်ကတော့ ပိုဆိုးပါတယ်။ နောက် ၂ လ၊ ၃ လ လောက်အထိ ဖြစ်နေမယ်ဆိုရင်တော့ တောင်သူတွေအတွက် မလွယ်ဘူး။ ပန်းနဲ့ပတ်သက်တဲ့ အရောင်းအဝယ်မှန်သမျှ အကုန်အေးကုန်တာပါ။ ဈေးကွက်ပျက်တာပဲ။

ဟု ပဲခူးတိုင်း၊ တောင်ငူမြို့ရှိ စံပယ်ပန်းစိုက်ပျိုးရေးခြံမှ တောင်သူ ဦးခင်မောင်မြင့်က ပြောသည်။

နယ်မြို့အသီးသီးမှ တင်ပို့သည့် ကားများ အဝင်အထွက်နည်းပါးခြင်း၊ ဈေးများ အချိန်အကန့်အသတ်ဖြင့် ဖွင့်လှစ်ရောင်းချခြင်း စသည်တို့ကြောင့်လည်း ပန်းဈေးကွက်ကျဆင်းလာခြင်း ဖြစ်သည်။

ပန်းတင်ပို့တဲ့ကားတွေ အသွားအလာနည်းသွားတယ်။ ဈေးကလည်း ရောင်းလို့မရဘူး။ ပန်းလိုက်ရောင်းတဲ့ ဖောက်သည်လေးတွေလည်း ခြံတံခါးဝကနေပဲ လှမ်းရောင်းရတယ်။ ဝယ်သူတွေကလည်း ရောဂါကူးမှာ ကြောက်တာပေါ့လေ။

ဟု ၎င်းက ဆက်လက်ပြောသည်။

မြန်မာနိုင်ငံတွင် ပန်းစိုက်ပျိုးရေးကို ရန်ကုန်တိုင်း၊ ပဲခူးတိုင်း၊ မန္တလေးတိုင်း၊ ရှမ်းပြည်နယ် တို့တွင် အဓိက စိုက်ပျိုးထုတ်လုပ်ကြောင်း သိရသည်။

နန်းထက်ထက်ချစ်

ယခုသတင်းက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ အသုံးဝင်ပါတယ်/အသုံးမဝင်ပါ ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ