ပြင်သစ်နိုင်ငံ စိုက်ပျိုးရေး တက္ကသိုလ်မှ နောက်ဆုံးပေါ်နည်းပညာများ ပို့ချပေးမည်

နေပြည်တော် မေ ၁၇၊

ရေဆင်းစိုက်ပျိုးရေး တက္ကသိုလ်နှင့် ပြင်သစ်နိုင်ငံ မောင့်ပယ်လီယာမြို့ရှိ (Montpellier) စိုက်ပျိုးရေး တက္ကသိုလ် (Sup Agro University) နှင့် နားလည်မှုစာချွန်လွှာ လက်မှတ်ရေးထိုးပွဲ အခမ်းအနားကို မေ ၁၄ ရက်က လယ်ယာစိုက်ပျိုးရေးနှင့် ဆည်မြောင်ဝန်ကြီးဌာန အစည်းအဝေးခန်းမ၌ ကျင်းပသည်။

“အခုလို လက်မှတ် ရေးထိုးတဲ့ အတွက် စိုက်ပျိုးရေးတက္ကသိုလ်က ဆရာဆရာမတွေနဲ့ ကျောင်းသားကျောင်းသူ အချင်းချင်း စိုက်ပျိုးရေး နည်းပညာတွေ ဖလှယ်နိုင်မယ်။ သုတေသန လုပ်ငန်းတွေမှာ နည်းပညာတွေ အချင်းချင်း ဖလှယ်ကြမယ်။ ပြင်သစ်နိုင်ငံ စိုက်ပျိုးရေး တက္ကသိုလ်က ဆရာတွေက ရေဆင်း စိုက်ပျိုးရေး တက္ကသိုလ်ကို လာရောက်ပြီး သင်တန်းတွေ လာရောက် ပို့ချပေးမယ်။ ဒီက ဆရာဆရာမများနဲ့ ကျောင်းသားကျောင်းသူတွေ ကလည်း ပြင်သစ်နိုင်ငံမှ စိုက်ပျိုးရေး နည်းပညာတွေကို သင်ယူခွင့်ရနိုင်မှာ ဖြစ်တဲ့အတွက် အလွန်ကို ကောင်းမွန်တဲ့ လုပ်ငန်းဖြစ်ပါတယ်” ဟု ရေဆင်းစိုက်ပျိုးရေးတက္ကသိုလ် ပါမောက္ခချုပ် ဒေါက်တာမျိုးကြွယ်က ပြောသည်။

ရေဆင်းစိုက်ပျိုးရေး တက္ကသိုလ်နှင့် ပြင်သစ်နိုင်ငံတို့သည် ပထမဆုံးအကြိမ် နားလည်မှု စာချွန်လွှာ လက်မှတ်ရေးထိုး ခြင်းဖြစ်ကြောင်း၊ ရေဆင်းစိုက်ပျိုးရေး တက္ကသိုလ် သည် သြစတြေးလျ၊ ဂျပန်၊ ကိုရီးယား၊ ထိုင်း၊ ဂျာမနီ၊ အမေရိကန် စသည့် နိုင်ငံများနှင့် လက်မှတ်ရေးထိုး နိုင်ခဲ့ကြောင်း၊ ယခုအချိန်ထိ နိုင်ငံတကာနှင့် စိုက်ပျိုးရေးနှင့် ပတ်သတ်၍ လက်မှတ်ရေးထိုးနိုင်ခဲ့သည်မှာ ၁၆ ခု ရှိခဲ့ပြီဖြစ်ကြောင်း သိရသည်။

သတင်း - ဇူလိုင်မိုး (မြန်မာ့အလင်း)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ