မြေကြီးထဲက ဖူးဗစ်အက်ဆစ်

စိုက်ပျိုးရေးလုပ်ကြတဲ့ ဦးလေးကြီးတို့ တောင်သူဦးကြီးတွေအတွက် အရေးကြီးတဲ့ ဖူးဗစ်အက်ဆစ်ရဲ့ အကျိုးကျေးဇူးတွေကို လေ့လာကြည့်ရအောင်ပါ။

စစချင်းကတော့ ဖူးဗစ်အက်ဆစ်ဆိုတာ ဘာလဲဆိုတော့ ကမ္ဘာမြေပြင်အလွှာရဲ့ အပင်တွေအတွက် အာဟာရပြည့်ဝတဲ့အလွှာကနေ ထွက်လာတဲ့ အဆွေးတွေမှာတွေ့ရတဲ့ ပစ္စည်းဖြစ်ပါတယ်။ မြေတွင်းမှာရှိနေတဲ့ အဆွေးပစ္စည်းတွေကို အဏုဇီဝသက်ရှိတွေရဲ့ အကူအညီနဲ့ အက်ဆစ်ဖြစ်အောင် ပြောင်းလဲပေးလိုက်ပါတယ်။ ဖူးဗစ်အက်ဆစ်မှာ အာဟာရတွေ (၇၀) ကျော်တောင်ပါပါတယ်။ အဲ့လိုကောင်းတဲ့ ဖူးဗစ်အက်ဆစ်တွေကို အပင်တွေက လွယ်လွယ်ကူကူ စုပ်ယူနိုင်ပြီးတော့ အပင်အစိတ်အပိုင်းတွေ ပြုလုပ်တဲ့နေရာမှာ သုံးပါတယ်။ 

အရာဝတ္ထုတိုင်းမှာ သူ့မော်လီကျုလာအလေးချိန်ဆိုတာ ရှိပါတယ်။ မော်လီကျုလာ အလေးချိန်နည်းရင် ဆဲလ်တွေထဲကို ဝင်ရောက်နိုင်အားက ပိုကောင်းပါတယ်။ ဖူးဗစ်အက်ဆစ်က မော်လီကျုလာအလေးချိန်နည်းတာကြောင့် ရေမှာလည်း လွယ်လွယ်ပျော်ဝင်နိုင်တယ်။ အပင်တွေထဲကို လွယ်လွယ်ဝင်ရောက်နိုင်ပါတယ်။ အဲ့လို အစွမ်းရှိတာကြောင့်  အော်ဂဲနစ်ပစ္စည်းတွေကိုလည်း ပျော်ဝင်နိုင်ဖို့ ကူညီပေးပါတယ်။ အဆ (၂၀) လောက်အထိ တိုးတက်လာစေတာပါ။ ဖူးဗစ်အက်ဆစ်ဟာဆိုရင် မြေထဲက မော်လီကျုလာအလေးချိန် များတဲ့ အော်ဂဲနစ်ပစ္စည်းတွေကိုလည်း ရေမှာပျော်ဝင်နေအောင် လုပ်ပေးပါတယ်။ ရေမှာ ပျော်ဝင်သွားတဲ့ အာဟာရတွေဆိုရင် အပင်တွေက စုပ်ယူနိုင်ပြီပေါ့။

ဦးလေးကြီးတို့ကို အကျိုးပြုတဲ့ ဘက်တီးရီးယားသန်းပေါင်းများစွာရဲ့ အကူအညီနဲ့မှ ဖူးဗစ်အက်ဆစ် နည်းနည်းထွက်တာဖြစ်ပါတယ်။ သူက ဦးလေးကြီးတို့ကို ဘာတွေကူညီလဲဆိုတော့ 

၁) အဆိပ်မရှိတဲ ပစ္စည်းဖြစ်ပါတယ်။

၂) အပင်တွေမှာ ဆဲလ်တွေကွဲပွားပြီး ကြီးထွားတဲ့ဖြစ်စဉ်ကို အားပေးပါတယ်။ 

၃) အပင်တွေကနေ အောက်စီဂျင်နဲ့ အာဟာရတွေ စုပ်ယူမှုတွေကို တိုးတက်ကောင်းမွန်စေပါတယ်။

၄) အပင်တွေရဲ့ အစာချက်လုပ်မှုကို ပိုမိုကောင်းစေပါတယ်။

၅) အပင်တွေ ရေငတ်ဒဏ်ကို ပိုမိုခံနိုင်ရည်ရှိစေပါသည်။

၆) မြေထဲက အဆိပ်အတောက်ဖြစ်စေတဲ့ ပစ္စည်းတွေကိုလည်း အဆိပ်လျော့ချပေးပါတယ်။

၇) မျိုးစေ့တွေကို အပင်ပေါက်ကောင်းစေပါတယ်။

၈) အမြစ် အညွှန့်တွေကို အားပေးထောက်ကူပေးပါတယ်။ 

၉) မှိုရောဂါတွေ တိုက်ခိုက်တာတွေကို ခံနိုင်ရည်တိုးလာစေပါတယ်။ 

၁၀) ဆဲလ်နံရံတွေရဲ့ စိမ်ဝင်အားကို ကောင်းမွန်တိုးတက်စေပါသည်။

၁၁) အထွက်နှုန်းကို တိုးစေပါသည်။

အပေါ်ကပြောခဲ့တဲ့ အကြောင်းတွေကတော့ မြေထဲမှာရှိနေတဲ့ ဖူးဗစ်အက်ဆစ်တွေအကြောင်းပဲဖြစ်ပါတယ်။ ကိုယ့်မြေထဲမှာ အဲ့လိုအက်ဆစ်တွေ ရှိစေချင်တယ်ဆိုရင်တော့ မြေထဲမှာ အော်ဂဲနစ်ပစ္စည်းတွေနဲ့ ဆွေးမြေ့နိုင်တဲ့ပစ္စည်းတွေ၊ သစ်စိမ်းမြေသြဇာတွေ ထည့်ပေးရမှာဖြစ်ပြီးတော့ အဏုဇီဝသက်ရှိလေးတွေ တိုးပွားလာဖို့ဆိုရင် ဓာတုတွေ အများကြီး သုံးတာကို လျှော့ချရမှာပဲဖြစ်ပါတယ်။

ထွန်းဝင်းကျော်

https://www.victoriahealth.com/editorial/fulvic-acid-the-elixir-of-life

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Read more

Facebook page သို့သွားရန်