နှမ်း ဖျူစေရီယမ်ပင်ညှိုးရောဂါ

အချို့ဒေသတွေမှာတွေ့ရတဲ့ ရောဂါပါ။ ၄င်းရဲ့ ရောဂါလက္ခဏာကတော့ နှမ်းပင်ရဲ့ အပြင်ဖက်ကျတဲ့ အရွက်တွေကစပြီး အဝါရောင်ပြောင်းလာပြီး ငိုက်ကျလာပါတယ်။ ၄င်းကနေတစ်ဆင့် ရောဂါလက္ခဏာဟာ ပင်စည်ပိုင်းကိုရောက်လာပါတယ်။

ရောဂါပြင်းထန်ရင် နှမ်းပင်တစ်ပင်လုံးက အရွက်တွေကြွေသွားပြီး ခြောက်သွားပါတယ်။ ရောဂါအနည်းငယ်ကျရောက်တဲ့ နှမ်းပင်ဆိုရင် အပင်တစ်ခြမ်းညှိုးသွားပါတယ်။ ရောဂါကျနှမ်းပင်ကို ဆွဲနုတ်လိုက်ရင် အမြစ်တွေရဲ့ တစ်စိတ်တစ်ပိုင်း ဒါမှမဟုတ် အားလုံး ပုပ်ဆွေးနေတာကို တွေ့ရပါမယ်။ 

ကာကွယ်နှိမ်နင်းမှုအနေနဲ့ ဒီရောဂါခံနိုင်ရည်ရှိတဲ့ နှမ်းမျိုးကို စိုက်ပါ။ နှမ်းမျိုးစေ့ကို ထရိုင်ဂိုဒါးမား ဒါမှမဟုတ် ကာဘင်ဒါဇင် ဒါမှမဟုတ် သိုင်ရမ် ကို ဆေးဘူး/အိတ်ပါ အညွှန်းစာအတိုင်း လူးနယ်စိုက်ပျိုးပါ။

အခြားသီးနှံတွေနဲ့ သီးလှည့်စိုက်ပါ။ နွေရာသီမှာ ထယ်ရေးနက်နက်ထိုးပါ။ တစ်ဧကလျှင် မြေဆွေး (၅) တန်နှုန်း ထည့်ပါ။ တစ်ဧကလျှင် မြေဆွေး (၂၀) ကီလိုဂရမ်ကို ထရိုင်ဂိုဒါးမား (၁၀) ကီလိဂရမ်နှုန်းရောစပ် ကြဲပက်ပါ။ ရောဂါကျနှမ်းပင်တွေကို မီးရှို့ပစ်ဖို့လိုပါမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။