စနစ်တကျစိုက်ပျိုးထုတ်လုပ်ထားသူများအတွက် အမြတ်အစွန်းရရှိနေချိန်ဖြစ်နေ

၂၀၂၁ ခုနှစ် စက်တင်ဘာလမှစတင်၍ ယခုအချိန်အထိ ကာလအပိုင်းအခြားများသည် ငရုတ်ကောင်းပင်ကို စနစ်တကျစိုက်ပျိုးထုတ်လုပ်ထားသူများအတွက် အခွင့်အလမ်းအများဆုံးအချိန် ဖြစ်နေကြောင်း ဈေးကွက်ကျွမ်းကျင်သူများထံမှ သိရသည်။

ခြောက်ပေပတ်လည် ပန္နက်နဲ့ စိုက်ပျိုးထားတဲ့ ငရုတ်ကောင်းခြံဆိုရင် တစ်ဧကမှာ ငရုတ်ကောင်း အပင်ရေ ကိုးရာကျော်ဝင့်ဆံ့တယ်။ အဲ့ဒီအကျယ်အဝန်းနဲ့ အဲ့ဒီပင်ရေရှိတဲ့ ငရုတ်ကောင်းခြံတစ်ခြံဟာ စနစ်တကျလည်း ပြုစုထိန်းသိမ်းစိုက်ပျိုးထားမယ်၊ သူ့ရဲ့စိုက်ပျိုးသက်တမ်းကလည်း လေးနှစ်သားကို ရောက်ရှိနေမယ်ဆိုရင် အခုကာလပေါက်ဈေးနဲ့ တွက်ဆကြည့်လိုက်ရင် အဲ့ဒီငရုတ်ကောင်းခြံကနေ သိန်းတစ်ရာကျော်အထိ ဝင်ငွေရရှိနိုင်ပါပြီ။ အခုလို ဈေးတက်နေတဲ့ အနေအထားမှာ ငရုတ်ကောင်းပင် စနစ်တကျစိုက်ပျိုးထားသူတွေတော့ မှန်ကန်သွားတာပေါ့။

ဟု KKO-Pepper ငရုတ်ကောင်းစိုက်ပျိုးရေးနှင့် ငရုတ်ကောင်းတန်ဖိုးမြှင့်ထုတ်ကုန်ထုတ်လုပ်ရေး၏ စီမံအုပ်ချုပ်သူ ဦးအောင်ဆန်းဦးက ပြောသည်။

ငရုတ်ကောင်းသီးနှံ၏ ဈေးကွက်လိုလားမှုကို ချိန်ဆစိုက်ပျိုးတတ်သူများနှင့် ဈေးကွက်ကောင်းချိန်ကို စောင့်ဆိုင်း၍ သိုလှောင်ထိန်းသိမ်းထားခဲ့သူများမှာ အမြတ်အစွန်းများ ရရှိနေပြီဖြစ်ကြောင်း သိရသည်။

အခုလောက်အထိ ငရုတ်ကောင်းဈေးတွေ မြင့်တက်တယ်ဆိုတာကလည်း ပြည်ပက တင်သွင်းရင် ကုန်ကျစရိတ်များတာကြောင့် ပြည်တွင်းလက်ကျန်တွေကိုပဲ အသုံးပြုနေတာကြောင့်ပါ။ အစကတည်းက ရေရှည်စီမံကိန်းနဲ့ ကြိုတင်တွက်ဆပြီးတော့ ငရုတ်ကောင်းကို အမှန်တကယ် သိုလှောင်ထားတဲ့ တောင်သူတွေ၊ ကုန်သည်တွေ၊ လုပ်ငန်းရှင်တွေအတွက်ကတော့ တကယ်ကို အမြတ်ရနေကြပြီပေါ့။

ဟု ဦးအောင်ဆန်းဦးက ဆက်လက်ပြောသည်။

ငရုတ်ကောင်းသည် နိုင်ငံတကာသုံး ဟင်းခတ်အမွှေးအကြိုင်တစ်မျိုး ဖြစ်ပြီး ပြည်တွင်းပြည်ပ ဈေးကွက်ခိုင်မာမှုရှိသော်လည်း မြန်မာနိုင်ငံတွင်မူ စီးပွားဖြစ် (ဧကများစွာ) စိုက်ပျိုးထုတ်လုပ်နေသူ နည်းပါးနေသေးကြောင်း သိရှိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ