ဖရဲစျေးနှုန်းများ မြင့်တက်လာ

ယခုလဆန်းပိုင်းအတွင်း မြန်မာ့ဖရဲစျေးနှုန်းများမှာ မြင့်တက်လာကြောင်း မြန်မာနိုင်ငံဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တရုတ်ဘက်မှ ဝယ်လိုအားလိုက်လာတာကြောင့် မြန်မာ့ဖရဲစျေးနှုန်းများမှာ အရင်လထက်မြင့်တက်လာတာဖြစ်တယ်လို့ မြန်မာနိုင်ငံ ဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌ ဦးနိုင်ဝင်းကပြောပါတယ်။

တရုတ်ဘက်က ရာသီချိန်မဟုတ်တော့ဘူး။ အထွက်နည်းသွားတဲ့အတွက် ဒီဘက်မှာ ပြန်ပြီးတော့ ဝယ်လိုအားလိုက်လာတယ်။ အရင်လတွေကထက် ယွမ် ၁၀၀၀ လောက်တက်လာတယ်။ သူတို့ဘက်က အဝယ်လိုက်လာတော့ စျေးကတက်လာတာပါ

မြန်မာ့ဖရဲစျေးနှုန်းများမှာ အရင်လများထက် ဖရဲတစ်တန်ကို ယွမ် ၁၅၀၀ ဝန်းကျင်ရှိရာမှ ယွမ် ၂၅၀၀ ဝန်းကျင် တက်လာကြောင်း အဆိုပါအသင်းမှ သိရပါတယ်။

မြန်မာ့ဖရဲကို တရုတ်နိုင်ငံကိုအဓိကထားတင်ပို့နေကြောင်း မြန်မာနိုင်ငံဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ