သယ်ယူပို့ဆောင်ရေးစရိတ်များကြောင့် ရပ်ဝေးဒေသများရှိ ကွမ်းဈေးမြင့်တက်နေ

သယ်ယူပို့ဆောင်ရေးစရိတ်များကြောင့် ရပ်ဝေးဒေသများရှိ ကွမ်းဈေးမြင့်တက်နေကြောင်း ကိုယ်တိုင်စိုက်ပျိုးတင်ပို့နေသူများက ပြောသည်။

ရပ်ဝေးကိုတင်ပို့တဲ့ ကွမ်းဈေးတွေကကျတော့ အတက်အကျ အရှင်းတော့မရှိဘူး။ ထိုးကျနေတာမျိုးလည်း မဟုတ်ပြန်ဘူး။ အခုကာလမှာ သယ်ယူပို့ဆောင်စရိတ်နဲ့ ကားခတွေက အရင်ကထက် နှစ်ဆ, သုံးဆအထိလောက်ကို တက်နေလို့ပါ။ ဒိုင်တွေအနေနဲ့ကျတော့လည်း ကွမ်းဈေးကို ဝိုင်းထိန်းပေးနေရတဲ့သဘောပါ။

ဟု ဧရာဝတီတိုင်း၊ ကျောင်းကုန်းမြို့နယ်၊ သစ်ဆိမ့်ကုန်းအုပ်စု၊ မှော်သေးကျေးရွာမှ ကွမ်းပင် စီးပွားဖြစ်စိုက်ပျိုးသူ ကိုထွန်းထွန်းက ပြောသည်။

ရန်ကုန်ဈေးကွက် (သီရိမင်္ဂလာဈေး) သို့ လက်ကားတင်ပို့ရောင်းချနေသည့် ကွမ်းရွက်ဈေးနှုန်းများ၊ ရန်ကုန်တိုင်းအတွင်း လက်လီပြန်လည်ရောင်းချနေသည့် ကွမ်းရွက်ပေါက်ဈေးနှုန်းများနှင့် အခြားရပ်ဝေးဒေသများရှိ ကွမ်းရွက်ပေါက်ဈေးနှုန်းများမှာ သယ်ယူပို့ဆောင်ရေးစရိတ်များကြောင့် ဈေးနှုန်းကွာခြားမှုရှိနေနိုင်ကြောင်း ၎င်းကဆိုသည်။

ဥပမာ ရခိုင်ပြည်နယ်၊ စစ်တွေမှာဆိုရင် ကျွန်တော်တို့ဧရာဝတီတိုင်းဘက်ကနေ တင်ပို့တဲ့ ကွမ်းဈေးက အခုချိန်အထိ တစ်ပိဿာကို ၁၀,၀၀၀ ကျပ်၊ ၁၁,၀၀၀ အထိ ပေါက်ဈေးရှိနေတုန်းပါ။

ဟု ကိုထွန်းထွန်းက ဆက်လက်ပြောသည်။

ကွမ်းဈေးအတက်အကျ မတူညီမှုသည် ဒေသတစ်ခုနှင့်တစ်ခု သယ်ယူစရိတ်၊ တင်ပို့စရိတ်များ မြင့်တက်နေခြင်းကြောင့်အပြင် ရာသီဥတုအခြေအနေအပြောင်းအလဲနှင့် လမ်းခရီးအခက်အခဲများကြောင့် ကွမ်းရွက်အရည်အသွေးထိခိုက်ခြင်းနှင့် ကွမ်းပျက်စီးခြင်းများကြောင့်လည်း မူတည်နေသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ