ကြက်သွန်နီစျေးနှုန်းများတက်လာ

ယခုလအတွင်း ကြက်သွန်နီစျေးနှုန်းများမှာ ဝယ်လိုအားများလာတဲ့အတွက် မြင့်တက်လာကြောင်း မြန်မာနိုင်ငံ ကြက်သွန်နီ ၊ ကြက်သွန်ဖြူနှင့် စားဖိုဆောင်သီးနှံ စိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။

ဘင်္ဂလာဒေ့ရ်ှနိုင်ငံမှ မြန်မာ့ကြက်သွန်ကို ဝယ်ယူမှုများလာတာကြောင့် ပြည်တွင်းကြက်သွန်နီစျေးနှုန်းမှာ မြင့်တက်လာကြောင်း မြန်မာနိုင်ငံ ကြက်သွန်နီ ၊ ကြက်သွန်ဖြူနှင့်စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌ ဦးခင်ဟန်ကပြောပါတယ်။

ဘင်္ဂလားဒေ့ရ်ှနိုင်ငံက ကြက်သွန်နီကို တောက်လျှောက်ဝယ်ယူနေတဲ့အတွက် စျေးတက်လာတာပါ။ ဝယ်နေတာလည်း နှစ်လလောက်ရှိပြီဆိုတော့။ အဓိကကတော့ ဝယ်လိုအားရှိတဲ့အတွက် စျေးတက်လာတာပါ

ဒီကနေ့မှာ နယ်အစုံမှ ကြက်သွန်နီကားအစီးရေ (၁၆) စီးခန့်ဝင်ရောက်ပြီး ယခင်ရက်ပိုင်းများထက် ကားအစီးရေ ဝင်ရောက်မှုလျော့နည်းသွားကြောင်းလည်း အဆိုပါအသင်းမှ သိရပါတယ်။

မြန်မာ့ကြက်သွန်နီ လတ်ချော တစ်ပိဿာ ၁၄၀၀ ကျပ် ၊ ကြက်သွန်နီ လတ်သန့် တစ်ပိဿာကို ၂၀၀၀ ကျပ် မှ ၂၃၀၀ ကျပ်မြင့်တက်လာကြောင်း ၊ ကြက်သွန်နီ လတ်ကြီး တစ်ပိဿာကို ၂၂၀၀ ကျပ် မှ ၂၅၀၀ ကျပ်မြင့်တက်လာကြောင်း ၊ ကြက်သွန်နီ ရှယ် တစ်ပိဿာကို ၂၃၀၀ ကျပ်မှ ၂၆၀၀ ကျပ် ဖြင့် စျေးနှုန်းများတက်လာကြောင်း မြန်မာနိုင်ငံကြက်သွန်နီ ၊ ကြက်သွန်ဖြူနှင့် စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းရဲ့ စျေးနှုန်းများအရ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ