နေ့စဉ်ပုံမှန် ဝင်ငွေရရှိသည့် ကောက်ရိုးမှိုဈေးကွက် စဉ်ဆက်မပြတ်ကောင်းမွန်နေ

နေ့စဉ်ပုံမှန် ဝင်ငွေရရှိသည့် ကောက်ရိုးမှိုဈေးကွက် စဉ်ဆက်မပြတ်ကောင်းမွန်နေကြောင်း မှိုဈေးကွက်ကျွမ်းကျင်သူများထံမှ သိရသည်။

ယခုကာလတွင် အခြားသီးနှံများ ဈေးကွက်အားနည်းချက် အနည်းနှင့်အများဆိုသလို ရင်ဆိုင်ကြုံတွေ့နေရသော်လည်း ကောက်ရိုးမှိုဈေးနှုန်းများမှာ မြင့်တက်နေပြီး မှိုဈေးကွက်အတက်ဘက်သို့ ဦးတည်နေကြောင်း သိရသည်။

မှိုသည် နေ့စဉ်ဝင်ငွေရတဲ့အတွက် နေ့စဉ်ဝင်ငွေကို တွက်ချက်လို့ရတဲ့သီးနှံလည်း ဖြစ်ပါတယ်။ ကျွန်တော်တို့ဒေသမှာ ကောက်ရိုးမှိုအရောင်းအဝယ်လုပ်တဲ့အခါ ရန်ကုန်၊ မန္တလေး၊ စစ်ကိုင်းတို့လိုဒေသကြီးတွေကို မတင်ပို့ဘဲနဲ့တောင် ကိုယ့်ဒေသတွင်းမှာတင် အရောင်းအဝယ်ဖြစ်ထွန်းမှု ရှိနေပါတယ်။ မုံရွာ၊ ရေဦး၊ တန့်ဆည်၊ ဂန့်ဂေါ၊ ယော၊ ဆော စတဲ့ ဒေသတွေကနေပါ ဆင်းဝယ်ကြတာပါ။ ကျွန်တော်တို့က လက်ကားဈေးနဲ့ကောက်တယ်။ သူတို့က ကျွန်တော်တို့ဆီကနေ တဆင့်ပြန်လာဝယ်ကြတာပေါ့ဗျာ။

ဟု စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်၊ ရန်ကင်းရပ်ကွက်မှ ကောက်ရိုးမှိုစိုက်ပျိုးရေးနှင့် မှိုအဝယ်ဒိုင်လုပ်ငန်းလုပ်ကိုင်သူ ကိုအောင်ဆန်းဦးက ပြောသည်။

ကောက်ရိုးမှိုစိုက်ပျိုးထုတ်လုပ်ရာတွင် (၃) ပေ - (၁၀) ပေ အရွယ်အစားရှိ ကောက်ရိုးမှိုဘောင်တစ်ဘောင်လျှင် ပျမ်းမျှစိုက်ပျိုးစရိတ် (၇၀၀၀) ကျပ်မှ (၁၀၀၀၀) ကျပ်ဝန်းကျင် ကုန်ကျနိုင်ကြောင်း သိရသည်။

ဘောင်တစ်ဘောင်ကို ခန့်မှန်းခြေအားဖြင့် ကောက်ရိုးမှို သုံးပိဿာကနေ ငါးပိဿာအတွင်း အထွက်နှုန်းရရှိပါတယ်။ မှိုမျိုးထုပ်ကတော့ ဒေသမျိုးက တစ်ထုပ်ကို လေးရာ/ငါးရာကျပ်၊ ထိုင်းမျိုးကတော့ တစ်ထုပ်ကို ထောင့်နှစ်ရာကျပ်ရှိပါတယ်။ ဒေသမျိုးနဲ့စိုက်မယ်ဆိုရင် မှိုဘောင်တစ်ဘောင်ကို မျိုးထုပ် လေးထုပ်/ငါးထုပ်လောက် ထည့်ရပါတယ်။ ထိုင်းမျိုးဆိုရင်တော့ မှိုဘောင်တစ်ဘောင်ကို မျိုးထုပ် နှစ်ထုပ်ထည့်ရပါတယ်။

ဟု ကိုအောင်ဆန်းဦးက ဆက်လက်ပြောသည်။

မြန်မာပြည်အလယ်ပိုင်း ကောက်ရိုးမှိုဈေးကွက်အတွင်း ကောက်ရိုးမှိုတစ်ပိဿာလျှင် ဒိုင်ကောက်ဈေး/လက်ကားဈေး (၅၀၀၀)ကျပ်ဖြင့် ရောင်းဝယ်ဖောက်ကားနေကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ