လျှော်ဖြူ (ဆေးကုလားမ) ဈေးနှုန်းများ နှစ်ဆနီးပါးမြင့်တက်

ယခင်နှစ်ထက် လျှော်ဖြူဈေးနှုန်းများမှာ နှစ်ဆနီးပါးတက်လာကြောင်း မြန်မာလျှော်ဖြူ စိုက်ပျိုးထုတ်လုပ်သူများအသင်းမှ သိရပါတယ်။

ယခုလဆန်းပိုင်းအတွင်း လျှော်ဖြူအစေးများ အဝယ်လိုက်လာတာကြောင့် ဈေးနှုန်းများမှာ ထိပ်စတစ်ပိဿာကို နှစ်ဆနီးပါး တက်လာတာဖြစ်ကြောင်း မြန်မာလျှော်ဖြူ စိုက်ပျိုးထုတ်လုပ်သူများအသင်းမှ ဒုတိယဥက္ကဌ ဦးစိန်ကပြောပါတယ်။

“အခုလဆန်းပိုင်းအတွင်းမှာပဲ လျှော်ဖြူကအဝယ်လိုက်လာတယ်။ အရင်လက လျှော်ဖြူကဈေးငြိမ်နေတယ်။ အခုဒီရက်လေးအတွင်းမှာပဲ ဖြစ်သွားတာ။ ဝယ်လက်တွေကလည်း ဈေးမြှင့်ပြီးပေးကြတော့ ဈေးကတက်လာတာပါ”

ယခင်လက လျှော်ဖြူတစ်ပိဿာကို ကျပ် ၁၈၀၀၀ ဝန်းကျင်သာရှိနေပြီး ယခု ဧပြီလဆန်းပိုင်းအတွင်း လျှော်ဖြူတစ်ပိဿာကို ကျပ် ၃၅၀၀၀ ထိရရှိကြောင်း မြန်မာလျှော်ဖြူစိုက်ပျိုးထုတ်လုပ်သူများအသင်းမှသိရပါတယ်။

လျှော်ဖြူပင်ကို မန္တလေးတိုင်းဒေသကြီးနဲ့ စစ်ကိုင်းတိုင်းဒေသကြီးတို့မှာ အများဆုံးစိုက်ပျိုးပြီး မကွေး တိုင်းဒေသကြီးနဲ့ ပဲခူးတိုင်းဒေသကြီးတို့မှာ စိုက်ပျိုးကြောင်းလည်း မြန်မာလျှော်ဖြူစိုက်ပျိုး ထုတ်လုပ် သူများအသင်းမှသိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ