ဧရာဝတီမြစ်ရေတက်ခြင်းကြောင့် စိုက်ခြံများရေနစ်မြှုပ်ခဲ့သဖြင့် ကုန်စည်ဈေးနှုန်းများ မြင့်တက်နေ

ဧရာဝတီမြစ်ရေတက်ခြင်းကြောင့် စိုက်ခြံများ ရေနစ်မြှုပ်ခဲ့သဖြင့် ကုန်စည်ဈေးနှုန်းများ မြင့်တက်နေကြောင်း မန္တလေးတိုင်းရှိ ဒေသခံများထံမှသိရသည်။

ဧရာဝတီမြစ်ရေတက်ပြီး တာပေါင်ကျိုးသွားတော့ ဒီနားတဝိုက်ကစိုက်ခင်းတွေ အကုန်မြှုပ်သွားတာလေ။ မနည်းဘူး ဆုံးရှုံးကုန်တာ။ ကုန်စိမ်း (ဟင်းသီးဟင်းရွက်)တွေ အားလုံး ဈေးကွက်တွေ တအားမှောက်ကုန်တယ်။ ပုံမှန်ဆို ဆလပ်က တစ်စီး ၅၀၊ ၈၀၊ ၁၀၀ ကျပ်နဲ့ ရောင်းတာ။ အခုကျ တစ်စည်း နှစ်ရာ့ငါးဆယ်၊ သုံးရာကျပ်လောက် ဖြစ်ကုန်တယ်။ တရုတ်နံနံ၊ ပင်စိမ်း၊ ကန်စွန်း၊ တာချီတိုင်အရွက်တွေ အကုန်ဈေးတက်တယ်။ ဒါတောင် ကျွန်တော်တို့က လက်ကားဖောက်သည်ဈေးနော်။ လက်လီဈေးဆို ဘယ်လိုနေမလဲ မပြောတတ်ဘူး။

ဟု မန္တလေးတိုင်း၊ အမရပူရမြို့နယ်၊ ရှမ်းကလေးကျွန်း စံပြကျေးရွာ၊ ကွင်းအမှတ် (၆၀၄) မှ ဟင်းသီးဟင်းရွက် စိုက်ပျိုးရောင်းချသူ ကိုမြင့်သန်းနိုင်က ပြောသည်။

ဇူလိုင်လ ၁၉ ရက်က ဧရာဝတီမြစ်ရေမြင့်တက်ကာ စစ်ကိုင်း-မန္တလေး ကန်ပတ်လမ်း တာရိုးကျိုးပေါက်ခဲ့ပြီး ဇူလိုင် ၂၃ ရက်ဝန်းကျင်၌ တာရိုးကို ပြုပြင်နိုင်ခဲ့သော်လည်း ဆက်စပ်ကျေးရွာများရှိ စိုက်ခြံများမှာမူ မြစ်ရေနစ်မြှုပ်ခြင်းကြောင့် ထိခိုက်မှုများပြားခဲ့သည်။

ဒီတာပေါင်ကို အမှီပြုနေတဲ့ ရှမ်းကလေးကျွန်း၊ မှန်တန်း၊ ယာဥ်တော် စတဲ့ ရွာ (၃) ရွာက မန္တလေးမြို့ရဲ့ ကုန်စိမ်းဈေးကွက်ကို ထိန်းထားတာ။ အခုလိုရေမြှုပ်တော့ ဒီရွာတွေကို ထိခိုက်မှုရှိတယ်။ ခြံတွေကတော့ ရေတွေမြှုပ်ကုန်တော့ တောင်သူတွေက ချက်ချင်းတော့ နလံမထူနိုင်ဘူးလေ။ ဒါ့ကြောင့် ဈေးတွေတက်ကုန်တာ။

ဟု မန္တလေးတိုင်း၊ အမရပူရမြို့နယ်၊ စိုက်ပျိုးရေးဦးစီးဌာနမှ ဒုလက်ထောက်ဦးစီးမှူး ဦးရဲနိုင်ဝင်းက ပြောသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ