မြန်မာနိုင်ငံ အော်ဂဲနစ်စိုက်ပျိုးထုတ်လုပ်သူများအသင်း ကမ္ဘာမြေချစ်သူဆုရရှိ

၂၀၁၉ခုနှစ် အတွက် ကမ္ဘာမြေချစ်သူဆု (၁၅) ဦးထဲမှ မြန်မာနိုင်ငံ အော်ဂဲနစ်စိုက်ပျိုးထုတ်လုပ်သူများအသင်း ရရှိခဲ့ကြောင်း အဆိုပါအသင်းမှ သိရပါတယ်။

စိုက်ပျိုးနည်းပညာနဲ့ ပညာပေးခြင်းလုပ်ငန်းများအတွက် လုပ်ခဲ့တာကြောင့် အခုနှစ်မှာ ကမ္ဘာမြေချစ်သူဆုရတာဖြစ်ကြောင်း (၁၅) ဦးထဲမှ မြန်မာနိုင်ငံ အော်ဂဲနစ်စိုက်ပျိုးထုတ်လုပ်သူများအသင်းရရှိခဲ့ကြောင်း အဆိုပါအသင်းမှ အတွင်းရေးမှူး ဦးလှဟန် ကပြောပါတယ်။

“သြဂဲနစ်အသင်းကနေရတယ်။ အသင်းရဲ့ စိုက်ပျိုးရေးပညာပေးတာရော၊ မှိုသတ်ဆေးပိုးသတ်ဆေးမသုံးပဲနဲ့ ပတ်ဝန်းကျင်ဂေစနစ်ကို မပျက်စီးဖို့အတွက် ပညာပေးခြင်းတွေလုပ်လို့ ဆုပေးရေးအဖွဲ့က အကဲခတ်ပြီး ပေးတာပါ”

ကမ္ဘာကြီးကို စိမ်းလန်းစိုပြေလာအောင် လုပ်ဆောင်နိုင်တဲ့သူများကို ဆုချီးမြှင့်ပေးတာဖြစ်ကြောင်း ကမ္ဘာမြေချစ်သူ ဆုပေးရေးအကဲဖြတ်အဖွဲ့မှ ဦးခိုင်ဝင်းနောင် ကပြောပါတယ်။

“ ကမ္ဘာကြီးကို စိမ်းလန်းစိုပြေလာအောင် လုပ်နိုင်တဲ့သူတွေ ဆုပေးတဲ့အနေနဲ့ ၊ ဆုချတဲ့အနေနဲ့ လုပ်ပေးတာပါ။ အနည်းဆုံးသစ်ပင် (၁၀၀၀) စိုက်ပျိုးနိုင်ရပါမယ်”

မြန်မာနိုင်ငံ အော်ဂဲနစ် စိုက်ပျိုးထုတ်လုပ်သူများအသင်းအနေနဲ့ ၂၀၁၉ခုနှစ်မှာ ပထမဦးဆုံးရရှိခဲ့တာဖြစ်ကြောင်း အဆိုပါအသင်းမှ သိရပါတယ်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ