အပင်မျိုးသစ်အမည်စာရင်းများ ထွက်ရှိလာ

အပင်မျိုးသစ် ကာကွယ်ခွင့်လျှောက်ထားလာတဲ့ အပင်မျိုးသစ်များ ထွက်ရှိလာပြီး ကြေငြာချက် ထုတ်ပြန်ထားကြောင်း စိုက်ပျိူးရေးသုတေသနဦးစီးဌာနမှ သိရပါတယ်။

အပင်မျိုးမွေးမြူသူများရဲ့ ခွင့်ပြုချက်မရှိဘဲ မသုံးမိစေရန်အတွက် မျိုးသစ်များရဲ့ကြေငြာချက်ကို ထုတ်ပြန်တာဖြစ်ကြောင်း စိုက်ပျိုးရေးသုတေသနဦးစီးဌာနမှ ဒုတိယညွှန်ကြားရေးမှူးချုပ် ဦးသန့်လွင်ဦးက ပြောပါတယ်။

“အပင်မျိူးသစ် အကာအကွယ်ပေးရေးဥပဒေမှ ာမျိူးအသစ်ကိုကာကွယ်ပေးပြီး မျိုးထုတ်လုပ်ထားတဲ့ မျိုးမွေးမြူသူကလွဲလို့ ခွင့်ပြုချက်မရဘဲမသုံးရအောင် ကြေငြာချက် ထုတ်ပြန်ပေးထားတယ်။ ဖော်ပြတဲ့မျိုးတွေကို မှတ်ပုံတင်ပေးပါလို့ လျှောက်ထားတာပါ။ အဲဒီမျိုးသစ်တွေကို ခွင့်ပြုချက်ရရှိရင်တော့ မှတ်ပုံတင်ပြီး ကာကွယ်ပေးထားတာပါ”

အပင်မျိုးသစ်များမှာ မတ်ပဲရေဆင်း- ၇ ၊ ထောပတ်သီး(တစ်မိုးအောက်ဘေဘီ ၊ KG 207 ၊ အမ္မရာ) ၊ စပါးသီးနှံ (DEYOU-8 ၊ DEYOU-12 ၊ DEYOU-16 ၊ ပြောင်းသီးနှံ ( JG 404 ၊ 505 ၊ 808၊ 909၊ 1111 ၊ 1212 ၊ 1313 ၊ NAMGANG တို့ဖြစ်ကြောင်း သိရပါတယ်။

အဆိုပါမျိုးသစ်များကို ကြေညာပြီး ရက်ပေါင်း(၃၀)အတွင်း တစ်စုံတစ်ရာကန့်ကွက်လိုပါက အပင်မျိုးသစ် အကာအ ကွယ်ပေးရေးဌာနစု ၊ စီမံခန့်ခွဲရေးနှင့် ငွေစာရင်းဌာနခွဲ၊ စိုက်ပျိုးရေးသုတေသနဦးစီးဌာန၊ စိုက်ပျိုးရေး မွေးမြူရေးနှင့် ဆည်မြောင်းဝန်ကြီးဌာနကို ဆက်သွယ်အကြောင်းကြားနိုင်ပြီး ဖုန်းနံပါတ် ၀၆၇- ၃၄၁၆၅၀၈ ကိုလည်း ဆက်သွယ်နိုင်ကြောင်း သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ