နေကြာဆီဈေးကွက်ကောင်းမွန်မှုကြောင့် နေကြာပင်စိုက်ပျိုးသူများ ပုံမှန်တွက်ခြေကိုက်နေ

နေကြာဆီဈေးကွက်ကောင်းမွန်မှုကြောင့် နေကြာပင်စိုက်ပျိုးသူများ ပုံမှန်တွက်ခြေကိုက်နေကြောင်း ကိုယ်တိုင်စိုက်ပျိုးသူများထံမှ သိရသည်။

နေကြာပင်ကို လေးဧကလောက် စိုက်ပျိုးထားပါတယ်။ နေကြာစေ့ထုတ်တဲ့ နေကြာမျိုးမဟုတ်ပါဘူး။ ဆီထုတ်တဲ့ နေကြာမျိုးကိုစိုက်တာမို့ ဆီကြိတ်ပြီးရောင်းပါတယ်။ အခုဆိုရင် မြန်မာပြည်တစ်ဝှမ်းလုံးနီးပါး နေကြာဆီကို ကြိုက်တဲ့လူများလာတယ်။ တောင်သူတွေက နေကြာပင်ကို ဈေးကွက်ပုံမှန်ရမရလို့ကို မတွက်တော့ဘဲနဲ့ နေကြာဆီထုတ်ရောင်းလို့ရတဲ့အတွက်ကို စိုက်ပျိုးလာကြတာပါ။ နေကြာဆီစစ်စစ်စားရင် ရောဂါဘယကင်းတယ်။ နေကြာဆီအစစ်စားဖူးတဲ့လူက ပဲဆီ၊ နှမ်းဆီတို့ကို မမက်ဘူး။ ဆီကြိတ်ပြီးရင် ရောင်းလို့ကို လက်မလည်ပါဘူး။ နေကြာဆီ အချိန်တစ်ဆယ်ပုံးတစ်ပုံးကို ငွေကျပ် ငါးသောင်း၊ ခြောက်သောင်း ရပါတယ်။

ဟု မန္တလေးတိုင်း၊ ကျောက်ဆည်ခရိုင်၊ တံတားဦးမြို့နယ်၊ စကားအင်းကျေးရွာမှ နေကြာပင်စိုက်ပျိုးသူ ဦးခိုင်ဇော် က ပြောသည်။

နေကြာပင်မှာ စိုက်ပျိုးပြုစုစောင့်ရှောက်ရလွယ်ကူသည့်အပြင် လုပ်သားအင်အားလိုအပ်ချက်နည်းပါးကြောင်း ၎င်းက ဆိုသည်။

စိုက်ပျိုးရလွယ်ကူတယ်။ အလုပ်သမားလည်း လျော့ချတယ်။ ကုလားပဲ၊ ဂျုံ၊ ဖရဲ၊ သခွားမွှေးတို့အပြင် နေကြာပင်ကိုစိုက်ပျိုးထားတာက လုပ်ရကိုင်ရတာ လွယ်ကူလို့ပါ။ ရေဆင်းကထုတ်တဲ့ မျိုးစေ့တွေကို အဓိကထားပြီး ကြဲပါတယ်။ အဲ့ဒီမျိုးက စိုက်ပျိုးပြီး သုံးလဆိုရင် ခူးချိုးလို့ရပြီ။ ထယ်ရေးထွန်ပြီး စိုက်လိုက်တာနဲ့ ၁၅ ရက်အကြာမှာ တစ်ကြိမ် ပေါင်းလိုက်ပေး (ပေါင်းပင်များ ခုတ်ထွင်ရှင်းလင်းပေး) တယ်။ တစ်နှစ်ကို တစ်သီးပဲစိုက်တဲ့မြေဆို မြေဩဇာလည်းသိပ်မလိုဘူး။ ပိုးအတွက်က ဆေးနှစ်ပတ်၊ သုံးပတ်လောက် ဖျန်းပေးတယ်။ ပြီးရင် ပြီးသွားပြီ။ ဘာမှသိပ်မလုပ်ပေးရပါဘူး။

ဟု ဦးခိုင်ဇော်က ဆက်လက်ပြောသည်။

နေကြာပင်ကို ဇွန်၊ ဇူလိုင်လများတွင် စိုက်ပျိုးပြီး စက်တင်ဘာလ၊ အောက်တိုဘာလ၊ နိုဝင်ဘာလများတွင် ခူးချိုးနိုင်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ