၂၀၂၁ ခုနှစ်သည် ကော်ဖီဈေးကွက် ထူးထူးခြားခြားကောင်းမွန်သည့် နှစ်တစ်နှစ်ဖြစ်

၂၀၂၁ ခုနှစ်သည် ကော်ဖီဈေးကွက် ထူးထူးခြားခြားကောင်းမွန်သည့် နှစ်တစ်နှစ်ဖြစ်ကြောင်း ကော်ဖီဈေးကွက်ကျွမ်းကျင်သူများထံမှ သိရသည်။

ကိုဗစ် ပထမ၊ ဒုတိယ၊ တတိယလှိုင်းကာလတွေနဲ့ လက်ရှိဖြစ်ပေါ်နေတဲ့ နိုင်ငံရေးအခြေအနေတွေအတွင်းမှာ ကော်ဖီသီးနှံကတော့ တစ်စေ့မှတောင်မကျန်အောင် ရောင်းရပါတယ်။ Export အကုန် ကုန်သွားပြီ။ ဒီနှစ်ဈေးကွက်ကတော့ ကော်ဖီစိုက်ပျိုးမှုသက်တမ်းတစ်လျှောက်မှာ အမြင့်ဆုံးအခြေအနေလို့ ပြောလို့ရပါတယ်။ မြန်မာနိုင်ငံတွင်းဖြစ်ပေါ်နေတဲ့ ထူးထူးခြားခြား မတည်ငြိမ်မှုတွေကြားမှာ တခြားသီးနှံတွေ ဈေးကွက်တော်တော်များများ ထိခိုက်မှုကြုံတွေ့နေရပေမယ့် ကော်ဖီရှိရင် တောင်သူက ပုန်းနေရတဲ့အထိ ကော်ဖီဈေးကွက်ကောင်းမွန်တဲ့ နှစ်ဖြစ်ပါတယ်။

ဟု မန္တလေးတိုင်းဒေသကြီး၊ ပြင်ဦးလွင်မြို့မှ ကော်ဖီဈေးကွက်ကျွမ်းကျင်သူ ဦးစောရန်နိုင်စိုးက ပြောသည်။

ယခုနှစ်အတွင်း ကော်ဖီဈေးကွက် ထူးခြားကောင်းမွန်ရသည်မှာ အဓိကအကြောင်းအရင်း အမျိုးမျိုးရှိနိုင်သော်လည်း၊ အိမ်နီးချင်းနိုင်ငံများရှိ ကော်ဖီစိုက်ပျိုးရေးအခြေအနေနှင့်လည်း များစွာဆက်စပ်သက်ဆိုင်နေကြောင်း သိရသည်။

အဓိကကတော့ ကိုဗစ်ကာလမှာ လူတွေက Home Stay နေကြတာများတယ်၊ ထို့နည်းတူ ကော်ဖီဆိုင်တွေနဲ့ တချို့စားသောက်ဆိုင်တွေလည်း ပိတ်ထားကြတယ်။ ကော်ဖီသောက်သုံးနေသူတွေကတော့ သောက်သုံးနေကြဖြစ်တဲ့အတွက် အိမ်မှာဝယ်ယူပြီးတော့ သောက်သုံးလာကြတယ်။ နောက်တစ်ချက်က ကျွန်တော်တို့နိုင်ငံက ထိုင်းနိုင်ငံ၊ တရုတ်နိုင်ငံတွေနဲ့ နယ်နိမိတ်ချင်း ထိစပ်နေတယ်။ ဒီနှစ် ထိုင်းနိုင်ငံကကော်ဖီခင်းတွေ အပျက်အစီးများတယ်။ နောက် မြန်မာနိုင်ငံနဲ့ထိစပ်နေတဲ့ တရုတ်၊ ယူနန်ဒေသတစ်ဝိုက်မှာ ကော်ဖီခင်းတွေရှိတယ်။ သူတို့က တောင်ပေါ်ဒေသတွေမှာ စိုက်ပျိုးမှုများတယ်၊ ဒီနှစ် မိုးများတဲ့အတွက် သူတို့ကော်ဖီခင်းတွေ တောင်ကျရေနဲ့ မျောပါပျက်စီးတာ ကြုံရတယ်။ ဒါ့ကြောင့် ဒီနှစ် တရုတ်နိုင်ငံရဲ့ကော်ဖီအထွက်နှုန်း ကျဆင်းခဲ့တယ်။

ဟု ဦးစောရန်နိုင်စိုးက ဆက်လက်ပြောသည်။

မြန်မာနိုင်ငံတွင် ကော်ဖီသီးနှံကို ရှမ်းပြည်နယ်တောင်ပိုင်း/မြောက်ပိုင်း၊ မန္တလေးတိုင်းဒေသကြီး ပြင်ဦးလွင်ဒေသအနီးတဝိုက်တို့တွင် အများအပြားစိုက်ပျိုးနေပြီး၊ ချင်းပြည်နယ်၊ ကရင်ပြည်နယ် စသည့် ကျန်ပြည်နယ်နှင့် တိုင်းဒေသကြီးတချို့တွင်လည်း စိုက်ပျိုးနေကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ