သီးနှံအကြွင်းထည့် မြေဆီဩဇာထက်

မြန်မာနိုင်ငံတွင် ရာသီဥတုပြောင်းလဲမှုများ ရင်ဆိုင်ကြုံတွေ့နေရပါသည်။ မိုးရွာသွန်းမှု မမှန်ခြင်း၊ အပူချိန်မြင့်မားခြးင်းတို့ကြောင့် သီးနှံများ ဖြစ်ထွန်းမှုနှင့် အထွက်နှုန်းကို လျော့နည်းစေပါသည်။ အဓိကအားဖြင့် မိုးနှောင်းနှင့် ဆောင်းရာသီသီးနှံများ အပင်ကြီးထွားမှု နောက်ပိုင်းကာလနှင့် မိုးရာသီသီးနှံများ မိုးရွာသွန်းမှုမမှန်သည့် အခြေအနေတွင် မြေတွင်းအစိုဓါတ်လျော့နည်းလာပြီး သီးနှံဖြစ်ထွန်းမှုကို ထိခိုက်လာကြောင်း တွေ့ရှိရမည် ဖြစ်ပါသည်။

ထို့ကြောင့် သီးနှံအကြွင်းအကျန်များ ပြန်လည်ထည့်သွင်းပေးခြင်း (သို့မဟုတ်) သီးနှံအကြွင်းအကျန်များပေါ်တွင် မျိုးစေ့ချကိရိယာ အသုံးပြု စိုက်ပျိုးခြင်းဖြင့် မြေဆီလွှာမှ ရေဆုံးရှုံးမှုသက်သာစေပြီး သီးနှံပင်အတွက် လိုအပ်သော အစိုဓါတ်ကို ထောက်ပံ့ပေးနိုင်မည် ဖြစ်ပါသည်။ သီးနှံအကြွင်းအကျန်များ ဖုံးအုပ်ပေးခြင်းကို အစက်ချရေသွင်းနည်းစနစ် (သို့မဟုတ်) ရေဖျန်းစနစ်တို့နှင့် တွဲဖက်စိုက်ပျိုးပါက စိုက်ပျိုးရေ လေလွင့်ဆုံးရှုံးမှု သက်သာစေပြီး သီးနှံအတွက် တိုးတက်မြင့်မားစေပါသည်။

သီးနှံအကြွင်းအကျန်များ ဖုံးအုပ်စိုက်ပျိုးခြင်းကို ထုတ်လုပ်မှုကုန်ကျစရိတ် မြင့်မားပြီး ဝင်ငွေပိုမိုရရှိလာစေနိုင်သော ဟင်းသီးဟင်းရွက် သစ်သီးဝလံ သီးနှံပင်များတွင် အဓိက အသုံးပြုသင့်ပါသည်။

ယာသီးနှံများတွင် သီးနှံအကြွင်းအကျန်များ ပြန်လည်အသုံးပြုမည်ဆိုပါက မျိုးစေ့ချကိရိယာကို အသုံးပြု၍ ထယ်ရေးမဲ့စိုက်ပျိုးသင့်ပါသည်။ အဓိကအားဖြင့် ပြောင်းဖူးသီးနှံကို ပထမစိုက်ပျိုးပြီး ဒုတိယဆောင်းသီးနှံကို စိုက်ပျိုးပါက အပင်ဖြစ်ထွန်းစေပါသည်။ အဘယ်ကြောင့်ဆိုသော် ပြောင်းဖူးပင်သည် အဖူးခူးဆွတ်ပြီးပါက အပင်သေဆုံးသွားပြီဖြစ်၍ ဒုတိယသီးနှံအား အနှောင့်အယှက် မဖြစ်စေပါ။ သို့မဟုတ်ပါက ပထမသီးနှံပြန်လည်ရှင်သန်၍ အဆိုပါသီးနှံသည် အဓိကစိုက်ပျိုးသော ဒုတိယသီးနှံအတွက် ပေါင်းမြက်ဖြစ်စေပြီး ၎င်းကို ရှင်းလင်းရမည့် ကုန်ကျစရိတ် ရှိလာမည်ဖြစ်သည်။

သီးနှံအကြွင်းအကျန်များကို ရေရှည်ပြန်လည်အသုံးပြုပါက အပင်အာဟာရဓါတ် တိုးများစေခြင်း၊ မြေတွင်းရုပ်ဂုဏ်သတ္တိများ တိုးပွားစေခြင်း၊ မြေ၏ ချဥ်ငန်ဓါတ်ကို ထိန်းညှိပေးနိုင်ခြင်း၊ မြေ၏ ရေထိန်းစွမ်းအား ပိုမိုကောင်းမွန်စေခြင်း၊ မြေ၏သိပ်သည်းဆကို လျော့နည်းစေခြင်း၊ သီးနှံအကြွင်းအကျန်များ ဆက်တိုက်ရေရှည်အသုံးပြုပါက နောက်ပိုင်းတွင် ပေါင်းမြက်ပေါက်ရောက်မှု လျော့နည်းလာစေပြီး၊ ထယ်ထိုး ထွန်မွှေခြင်းမပြုဘဲ သီးနှံများ စိုက်ပျိုးနိုင်မည်ဖြစ်ပါသည်။ သီးနှံအကြွင်းအကျန်များ ဖုံးအုပ်ပေးမည် ဆိုပါက အထူ(၃-၅ လက်မ) ခန့် ဖုံးအုပ်ပေးရမည်ဖြစ်ပြီး တန်ချိန်အားဖြင့် (၃-၅)တန်ကြား ထည့်ပေးရမည်။

စိုက်ပျိုးရေ အကန့်အသတ်သာရရှိသော (မိုးရေသောက်) ဒေသများတွင် ရွာသွန်းသော မိုးရေကို မြေတွင် ရေရှည်ထိန်းသိမ်းနိုင်ရန်အတွက် သီးနှံရိုးပြတ်များ ဖုံးအုပ်ပေးခြင်းသည် သီးနှံပင်များ ဖြစ်ထွန်းအောင်မြင်စေနိုင်သော နည်းလမ်းဖြစ်ပါသည်။ ရေအကျိုးထိရောက်မှု မြင့်မားစေပြီး မြေဆီလွှာမှ ရေငွေ့ပျံမှု လျော့နည်းစေပါသည်။ သို့သော် သီးနှံရိုးပြတ်များတွင် ရောဂါပိုးမွှားများ ပါရှိနိုင်သောကြောင့် သဘာဝမတူသောသီးနှံများ အလှည့်ကျစိုက်ပျိုးပေးရမည်။ တစ်ဖန် သီးနှံများ အလှည့်ကျစိုက်ပျိုးခြင်းသည်လည်း မြေတွင်းအာဟာရဓါတ်အချိုးကို ညီမျှစေပါသည်။ သီးနှံအကြွင်းအကျန်များကို ဖုံးအုပ်ပေးခြင်းဖြင့် မိုးသည်းထန်စွာရွာသွန်းချိန်တွင် မြေဆီလွှာရေတိုက်စားခြင်ံးမှ ကာကွယ်ပေးနိုင်ပြီး အာဟာရဓါတ်ပြည့်ဝသော အပေါ်ယံမြေလွှာများ ဆုံးရှုံးမှု လျော့ပါးစေပါသည်။ ထို့ပြင် ပေါင်းမြက်ပေါက်ရောက်မှု (၇၀%)ခန့် သိသာစွာ လျော့နည်းစေပါသည်။

အကျိုးကျေးဇူးများ

- မြေတွင်းအစိုဓါတ်ကို ပိုမို ထိန်းသိမ်းနိုင်ပါသည်။

- ရေရှည်အသုံးပြုပါက အပင်အာဟာရဓါတ် တိုးပွားစေနိုင်ပါသည်။

- မြေဆီလွှာရုပ်ဂုဏ်သတ္တိကို မြင့်တင်ပေးနိုင်ပါသည်။

Source - တောင်သူအတွက်မှာနည်းပညာ (DAR) စာအုပ်မှ ကောက်နှုတ်ဖော််ပြပါသည်။

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Facebook page သို့သွားရန်

ဆွေးနွေးချက်များ

ဆွေးနွေးရန်

စိုက်ပျိုးရေး

မွေးမြူရေး

ရေလုပ်ငန်း

အထွေထွေဗဟုသုတ

သီးနှံအကြွင်းထည့် မြေဆီဩဇာထက်

Greenovator ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

သီးနှံအကြွင်းထည့် မြေဆီဩဇာထက်

Greenovator ကြော်ငြာ

ဆွေးနွေးချက်များ

ဆက်စပ်ဆောင်းပါးများ

နွားချေးကို စနစ်တကျ သိုလှောင်နည်း

ဒေသခံအဏုဇီဝပိုးမွေးမြူနည်း

ဒေသခံအဏုဇီဝပိုး စနစ်တကျမွေးမြူနည်း (IMO cultivation)

{{ post.title }}