ရေရှည်ဈေးကွက်အလားအလာကောင်းမွန်နိုင်သည့် ထောပတ်ပင်ကို တောင်သူများတိုးချဲ့စိုက်ပျိုးလာကြ

ရေရှည်တွင် ဈေးကွက်အလားအလာများ ကောင်းမွန်လာနိုင်သည့် ထောပတ်ပင်ကို တောင်သူများ တိုးချဲ့စိုက်ပျိုးလာကြကြောင်း ရှမ်းပြည်နယ်တောင်ပိုင်းရှိ တောင်သူများထံမှ သိရသည်။

ပြည်ပတင်ပို့ရောင်းချမှုကို အခုထက် ပိုကောင်းမွန်လာဖို့၊ ဈေးကွက်ကောင်းတွေရရှိလာဖို့အတွက် ထောပတ်အသင်းကလည်း ဦးဆောင်ကြိုးပမ်းနေတာမို့ ထောပတ်က ရေရှည်အတွက် အလားအလာကောင်းတဲ့ သီးနှံတစ်ခုပါ။ ဒါ့ကြောင့် ကျွန်တော်ဆိုရင်လည်း ထောပတ်ခြံတွေ တိုးချဲ့စိုက်ပျိုးဖို့ စီစဉ်နေပါတယ်။ သို့သော် ပြည်တွင်းဈေးကွက်မှာပဲ ရောင်းရောင်း၊ ပြည်ပတင်ပို့မှုပဲလုပ်လုပ် အရည်အသွေးထိန်းသိမ်းစိုက်ပျိုးမှသာ ဈေးကောင်းရရှိမှာပါ။ ပြည်တွင်းဈေးကွက်ကိုလည်း အသီးကောင်းကောင်းတွေနဲ့ ထိုးဖေါက်သင့်ပါတယ်။

ဟု ရှမ်းပြည်နယ်တောင်ပိုင်း၊ တောင်ကြီးမြို့အနီး၊ ဝင်းယစံပြကျေးရွာမှ ထောပတ်စီးပွားဖြစ်စိုက်ပျိုးသူ ကိုနိုင်လင်း က ပြောသည်။

ထောပတ်သီးကို ပြည်တွင်းဈေးကွက်အပြင် တရုတ်နိုင်ငံနှင့် အိန္ဒိယနိုင်ငံ၊ ထိုင်းနိုင်ငံများသို့ နည်းလမ်းအမျိုးမျိုးဖြင့် တင်ပို့ရောင်းချနေပြီး၊ COVID-19 ကာလ မပြီးပြတ်သေးပါက လာမည့်ထောပတ်ရာသီအတွက် ဈေးကွက်အခြေအနေ ခန့်မှန်းရခက်ခဲကြောင်း သိရသည်။

ထောပတ်သီးရာသီချိန်က ဒီဇင်ဘာလကုန်ကျော်မယ်။ ထောပတ်သီးက ဒေသအလိုက် ရာသီအစောသီးတာ ရှိတယ်။ နောက်ကျသီးတာလည်း ရှိတယ်။ ကျွန်တော့်အမြင်နဲ့ပြောရရင် ဈေးကွက်အတော်များများက တရုတ်နိုင်ငံရဲ့၀ယ်လိုအားက အများဆုံးပါ။ ပုံမှန်ဆို ထောပတ်သီးက ဈေးကွက်ကောင်းမွန်ပါတယ်။ လက်ရှိမှာ ကိုဗစ်ရောဂါအခြေအနေနဲ့ဆိုတော့ နည်းနည်းတော့ မှန်းရခက်နေတယ်။

ဟု ကိုနိုင်လင်း က ဆက်လက်ပြောသည်။

ထောပတ်သီး (ဒေသသီး) များသည် အများအားဖြင့် ဈေးနှုန်းပုံမှန်မရှိဘဲ၊ ထောပတ်ကိုင်းဆက်မျိုးများအနက်မှ HASS မျိုးများကို လူကြိုက်များ၍ ဈေးကွက်ပိုမိုကောင်းမွန်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ