အမရပူရမြို့နယ်မှာ သရက်(GAP)ခြံလျှောက်ထားသူ (၁၁)ဦးထိရှိလာ

ယခုနှစ်အတွင်း မန္တလေးတိုင်းဒေသကြီး ၊ အမရပူရမြို့နယ်မှာ သရက်သီးနှံကိုကောင်း မွန်သောစိုက်ပျိုးရေးအလေ့အကျင့် (GAP) ခြံလျှောက်ထားသူ ပိုမိုတိုးတက်လာကြောင်း အမရပူရမြို့နယ်၊ စိုက်ပျိုးရေးဦးစီးဌာနမှ သိရပါတယ်။

အခုနှစ်မှာ သရက်သီးနှံကို အရင်နှစ်ထက် ကောင်းမွန်သော စိုက်ပျိုးရေးအလေ့အကျင့် (GAP) လက်မှတ်နည်းပညာကြောင့် လျှောက်ထားသူပိုမိုများပြားလာတာဖြစ်တယ်လို့ အမရပူရမြို့နယ်၊ စိုက်ပျိုးရေးဦးစီးဌာနမှ ဦးရဲနိုင်ဝင်းကပြောပါတယ်။

နည်းပညာကြောင့်မို့လို့ တိုးတက်လာတာပါ။ မနှစ်က (GAP)ကိုလျှောက်ထားတဲ့သူ (၅) ဧကတစ်ခြံပဲရှိလာတာ။ ဒီနှစ်မှ (GAP) ခြံတွေက ဧက(၉၀)ဝန်းကျင်ထိ ရှိလာပါတယ်။ ခြံသန့်ရှင်းရေးနဲ့ အနည်းဆုံး (၅) ဧကရှိရမယ်။ (GAP) စည်းမျဉ်းစည်းကမ်း (၁၆) ချက်နဲ့ ကိုက်ညီတဲ့သူတွေကို ပေးတာပေါ့။ စားသုံးသူတွေအတွက်လည်း ခိုင်မာချက်ရှိရမယ်။ အခုလျှောက်တဲ့သူတွေကတော့ လက်မှတ်ရမလားမရမလားဆိုတာတော့ မသိသေးဘူးပေါ့

အမရပူရမြို့နယ်မှာ သရက်စိုက်ဧက ၆၄၂၁ ဧက ဝန်းကျင်ရှိပြီး အရင်နှစ်က (GAP) လက်မှတ်ရရှိထားသည်မှာ (၅) ဧကရှိကြောင်း အဆိုပါဌာနမှ သိရပါတယ်။

စိန်တလုံး၊ သုံးနှစ်သီး၊ ပတ္တမြားငမောက်၊ မယ်သီ စတဲ့မျိုးများကို စိုက်ပျိုးထုတ်လုပ်လျက်ရှိကြောင်းလည်း အမရပူရမြို့နယ် စိုက်ပျိုးရေဦးစီးဌာနမှသိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ