တရုတ်ကို မြန်မာ့ဖရဲ တန်ချိန် (၈) သိန်းဝန်းကျင်ခန့် တင်ပို့နိုင်

ယခုဘဏ္ဍာနှစ်အတွင်း မြန်မာ့ဖရဲ တန်ချိန်(၈)သိန်းဝန်းကျင်ခန့် တင်ပို့နိုင်ကြောင်း မြန်မာနိုင်ငံဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

ယခုနှစ်အတွင်း ဖရဲတန်ချိန်မှာ အရင်နှစ်ကာလတူထက် အနည်းငယ်လျော့ဆင်းနေတာဖြစ်တဲ့အတွက် (၈) သိန်းဝန်းကျင်ခန့်သာ တင်ပို့နိုင်တာဖြစ်ကြောင်း မြန်မာနိုင်ငံဖရဲ ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌ ဦးနိုင်ဝင်းက ပြောပါတယ်။

“ဖရဲက အရင်နှစ်ကာလတူနဲ့နှိုင်းယှဉ်ရင် နည်းနည်းတော့ လျော့သွားတယ်။ ကားလမ်းအခြေအနေကြောင့်လည်း ပါတယ်။ အဲဒါကြောင့် လျော့နည်းသွားတာပေါ့။ အောက်တိုဘာလကျ တစ်ချက်ပြန်ကြည့်ရမယ်။ အရင်နှစ်တန်ချိန်ကိုတော့ မီနိုင်မှာပါ”

ယခင်ဘဏ္ဍာနှစ်အတွင်းက မြန်မာ့ဖရဲ တန်ချိန်(၈)သိန်းကျော် တင်ပို့နိုင်ခဲ့ပြီး ယခုဘဏ္ဍာနှစ်ကာလတူအတွင်း (၈) သိန်းဝန်းကျင်ခန့်သာ တင်ပို့နိုင်တာကြောင့် တန်ချိန်အနည်းငယ်ကျဆင်းသွားကြောင်း အဆိုပါအသင်းမှ သိရပါတယ်။

မြန်မာ့ဖရဲကို စစ်ကိုင်းတိုင်းဒေသကြီး၊ မန္တလေးတိုင်းဒေသကြီးနဲ့ ပဲခူးတိုင်းဒေသကြီးတို့မှာ အများဆုံးစိုက်ပျိုးကြောင်း မြန်မာနိုင်ငံ ဖရဲ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

မြန်မာ့ဖရဲကို မူဆယ်(၁၀၅)မိုင်မှတစ်ဆင့် တရုတ်နိုင်ငံကို အဓိကထားတင်ပို့နေကြောင်းလည်း အဆိုပါအသင်းမှသိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ