ဒန့်သလွန်သီးကို ပြည်ပနိုင်ငံများမှ ဝယ်ယူရန်ကမ်းလှမ်းထား

မြန်မာ့ဒန့်သလွန်သီးကို ပြည်ပနိုင်ငံများမှာ ဝယ်ယူရန်ကမ်းလှမ်းထားကြောင်း မြန်မာနိုင်ငံဒန့်သလွန်သီးနှင့် ရဲယိုစိုက်ပျိုးထုတ်လုပ် တင်ပို့ရောင်းချသူများအစုအဖွဲ့မှ သိရပါတယ်။

ဒန့်သလွန်သီးကို ပြည်ပနိုင်ငံအချို့မှ ဝယ်ယူရန်ကမ်းလှမ်းမှုများရှိနေတာကြောင့် တင်ပို့နိုင်ရန် အစုအဖွဲ့အနေနဲ့ စီစဉ်ဆောင်ရွက်မှုများလုပ်ဆောင်နေကြောင်း မြန်မာနိုင်ငံဒန့်သလွန်သီးနှင့် ရဲယိုစိုက်ပျိုးထုတ်လုပ် တင်ပို့ရောင်းချသူများအစုအဖွဲ့ မှ ဥက္ကဌ ဦးမြင့်ကိုကပြောပါတယ်။

“ ပြည်ပနိုင်ငံတွေက မြန်မာ့ဒန့်သလွန်သီးကို ကမ်းလှမ်းတာတွေရှိပါတယ်။ အဲဒီအတွက် တင်ပို့နိုင်ဖို့ ဒန့်သလွန်အစုအဖွဲ့ကနေပြီးတော့ စီစဉ်လုပ်ဆောင်နေပါတယ်။ သူတို့မှာသလောက်ကို ဒီနှစ်မှာတော့ တင်ပို့ဖို့ မပြည့်မှီနိုင်သေးပါဘူး။ နောင်နှစ်မှာတော့ တင်ပို့နိုင်အောင်ဆောင်ရွက်သွားမှာပါ”

မြန်မာ့ဒန့်သလွန်သီးကိုဝယ်ယူနိုင်ရန် ကမ်းလှမ်းထားတဲ့နိုင်ငံများမှာ ဂျပန် ၊ စင်ကာပူ ၊ မလေးရှား နဲ့ တရုတ်နိုင်ငံများက ကမ်းလှမ်းထားကြောင်း အဆိုပါအစုအဖွဲ့မှသိရပါတယ်။

ဒန့်သလွန်ပင်ကို အပူပိုင်းဒေသမှာအများဆုံးစိုက်ပျိုး ထွက်ရှိပြီး တိုင်း ၊ ပြည်နယ်ဒေသအနှံ့အပြားမှာ စိုက်ပျိုးနေကြောင်း မြန်မာနိုင်ငံဒန့်သလွန် သီးနှင့် ရဲယိုစိုက်ပျိုးထုတ်လုပ်တင်ပို့ ရောင်းချသူများအစု အဖွဲ့မှ သိရပါတယ်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ