သင်္ဘောသီးဈေးကွက်ဝယ်လိုအား ကောင်းမွန်နေသော်လည်း ကုန်တင်ပို့ရာတွင် အခက်အခဲရှိနေ

သင်္ဘောသီးဈေးကွက်ဝယ်လိုအား ကောင်းမွန်နေသော်လည်း ကုန်တင်ပို့ရာတွင် အခက်အခဲရှိနေကြောင်း သင်္ဘောပင်စီးပွားဖြစ်စိုက်ပျိုးသည့် တောင်သူများက ပြောသည်။

အခုလတ်တလောမှာ စျေးကွက်ကတော့ ဖြစ်ထွန်းနေပါတယ်။ ရောင်းတာတော့ ခြံကထွက်သမျှ သင်္ဘောသီးအကုန်လုံးကို ရောင်းနေရတယ်။ ကုန်ကားတွေက ရက်ပတ်နဲ့ထွက်နေတာဆိုတော့ တင်ပို့ရောင်းချရတာသာ အဆင်မပြေဖြစ်နေကြတာပါ။ Express ကားတွေကလည်း မထွက်တော့လေ။

ဟု မန္တလေးတိုင်း၊ ပြင်ဦးလွင်မြို့၊ ပြင်စာရွာမှ သင်္ဘောပင် စီးပွားဖြစ်စိုက်ပျိုးသူ ကိုထက်နိုင်ထွန်း က ပြောသည်။

ယခင်အခါက ခရီးသည်တင်ကားများ၊ ကုန်တင်ကုန်ပို့ကားများမှာ နေ့စဉ်ထွက်ရှိပြီး၊ အချိန်ကာလမရွေး တင်ပို့ရောင်းချနိုင်ခဲ့သော်လည်း၊ ယခုအခါ ရန်ကုန်သို့ တစ်ပတ်လျှင် (၃) ကြိမ်ခန့်သာ ကားများထွက်သဖြင့် အခက်ကြုံနေရကြောင်း သိရသည်။

ကားခစျေးက မတက်ပါဘူး။ ကားချိန်းရတာက အဆင်မပြေတာပါ။ ထွက်တဲ့ကားတွေကရှိပေမယ့်လည်း အဲ့ဒီကားတွေကျတော့လည်း ရန်ကုန်ကို ၂ ရက်လောက်မှ တစ်ခါထွက်တာ ဖြစ်နေတယ်။ အခုအချိန်မှာက အဓိက ဝယ်လက်၊ ဈေးကွက်ဆိုတာကလည်း ရန်ကုန်တစ်ခုတည်းကို အားထားရောင်းနေကြရတာပါ။ တစ်ခြားနယ်တွေကတော့ ကားတွေလုံးဝကို မထွက်သေးတာပါ။

ဟု ၎င်းက ဆက်လက်ပြောသည်။

လက်ရှိဈေးကွက်အတွင်း၌ သင်္ဘောသီး 1.5 kg တစ်လုံးလျှင် (၄၀၀) ကျပ်၊ သင်္ဘောသီး ပယ်သီး (၂) တင်းဝင် ပီနံအိတ်တစ်ပိုင်းလျှင် ၇,၀၀၀ ကျပ် ဈေးနှုန်းများဖြင့် လက်ကား ရောင်းဝယ်ဖောက်ကားနေကြသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ