ချင်းပြည်နယ်တွင် ကော်ဖီပင်ဧက(၅၀)စိုက်ပျိုးနိုင်ရန် စီစဉ်လုပ်ဆောင်နေ

ချင်းပြည်နယ် ၊ ကန်ပက်လက်မြို့မှာ ကော်ဖီပျိုးပင် ဧက (၅၀) စိုက်ပျိုးနိုင်ရန်အတွက် စီစဉ်လုပ်ဆောင်နေကြောင်း ချင်းပြည်နယ် ဝဥစိုက်ပျိုးထုတ်လုပ် ရောင်းချသူများအသင်းမှ သိရပါတယ်။

ချင်းပြည်နယ်မှာ ကော်ဖီစိုက်ပျိူးနိုင်ရန်အတွက် အော်ဂဲနစ်ပျိုးပင်များကို ရှမ်းတောင် ကော်ဖီအစု အဖွဲ့မှ ပံ့ပိုးကူညီပေးသွားမှာဖြစ်ပြီး စီစဉ်လုပ်ဆောင်နေတယ်လို့ ချင်းပြည်နယ်ဝဥစိုက်ပျိုးထုတ်လုပ် ရောင်းချသူများအသင်းမှ အကြံပေး ဦးဖွေးမနားကပြောပါတယ်။

“ တောင်သူတစ်ဦးကို အနည်းဆုံး တစ်ဧကနှုန်းထားနဲ့ ကော်ဖီပျိုးပင်တွေကို စိုက်ပျိုးနိုင်ဖို့အတွက် ကူညီပေးမယ်။ ထွက်လာတဲ့ ကော်ဖီသီးတွေကို သူတို့က ပြန်ဝယ်ယူမယ်။ ပြီးရင် တောင်သူတွေကနေပြီးတော့ ကော်ဖီသီးထွက်လာရင် ပျိုးပင်တွေကို ဈေးနှုန်းကောက်ယူမယ်။ အခုတော့စိုက်ပျိုးနိုင်ဖို့အတွက် တောတွေခုတ်ထစ်ပြီး ရှင်းလင်းနေပါတယ်”

အော်ဂဲနစ်ကော်ဖီပျိုးပင်များကို အနည်းဆုံး တစ်ဧကနှုန်းထားဖြင့် စိုက်ပျိုးနိုင်ရန် ကူညီပံ့ပိုးပေးသွားမှာဖြစ်ကြောင်း သိရပါတယ်။

၂၀၁၉ ခုနှစ်အတွင်း ကန်ပက်လက်မြို့မှာ ကော်ဖီဧက (၅၀) ကို စိုက်ပျိုးသွားမှာဖြစ်ကြောင်း ချင်းပြည်နယ် ဝဥစိုက်ပျိုးထုတ်လုပ် ရောင်းချသူများအသင်းမှသိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ