နာနတ်စိုက်ပျိုးထုတ်လုပ်ရောင်းချမှု စဉ်ဆက်မပြတ်စေရေး အလုပ်ရုံဆွေးနွေးပွဲကျင်းပသွားမည်

နာနတ်စိုက်ပျိုးထုတ်လုပ်ရောင်းချမှုစဉ်ဆက်မပြတ်အလုပ်ရုံဆွေးနွေးပွဲကို ဇူလိုင်(၂၆)ရက်နေ့၊ သီပေါမြို့နယ် မြမိုးဇံခန်းမမှာ ကျင်းပပြုလုပ်သွားမှာဖြစ်ကြောင်း နာနတ်သီးစိုက်ပျိုး ထုတ်လုပ်ရောင်းချသူများ အသင်းမှ သိရပါတယ်။

နာနတ်နဲ့ ပြောင်းကို စစိုက်သည်မှ စျေးကွက်ရောက်သည်အထိ တောင်သူများနဲ့ အစိုးရအချင်းချင်း ချိတ်ဆက်နိုင်စေရန် ဆွေးနွေးသွားမှာဖြစ်တယ်လို့ နာနတ်သီးစိုက်ပျိုးထုတ်လုပ် ရောင်းချသူများအသင်းမှ အတွင်းရေးမှူး ဦးစိုင်းကျော်ညွှန့်ကပြောပါတယ်။

“နာနတ်နဲ့ပြောင်းကို စစိုက်တော့မယ့်အချိန်ကနေ စျေးကွက်ထဲထိ ဘာတွေလုပ်လို့ရလဲ။ စျေးကွက်မှာ အသီးကိုခူးပြီးရောင်းမှာလား။ တန်ဖိုးမြှင့်ထုတ်ကုန် ဘယ်လိုလုပ်လို့ရသလဲဆွေးနွေးမယ်။ တောင်သူတွေကနေ နည်းပညာအကူအညီ၊ စျေးကွက်၊ တန်ဖိုးမြှင့်ထုတ်ကုန်ဘယ်လိုထုတ်လို့ရမလဲ ချိတ်ဆက်ဆွေးနွေးချင်တယ်”

အဆိုပါ အလုပ်ရုံဆွေးနွေးပွဲကို စားသုံးသူရေးရာဦးစီးဌာနမှ တာဝန်ရှိသူများ၊ နာနတ်စိုက်ပျိုးထုတ်လုပ် ရောင်းချသူများနဲ့ ပြောင်းစိုက်ပျိုးထုတ်လုပ်ရောင်းချသူများ တက်ရောက်သွားမှာဖြစ်ကြောင်းသိရပါတယ်။

မြန်မာ့နာနတ်သီးစိုက်ဧကပေါင်း (၃၀၀၀၀) ဝန်းကျင်ခန့်ရှိပြီး ရှမ်းပြည်နယ်မြောက်ပိုင်းမှာ အများဆုံးစိုက်ပျိုးထားကြောင်း နာနတ်သီးစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ