ပြည်ပနိုင်ငံတစ်ချို့မှ ငရုတ်သီးအမှည့်အစို Order မှာယူမှုများရှိသဖြင့် ဈေးနှုန်းများတစ်ဟုန်ထိုးမြင့်တက်လာ

ပြည်ပနိုင်ငံတစ်ချို့မှ ငရုတ်သီးအမှည့်အစို Order မှာယူမှုများရှိသဖြင့် ဈေးနှုန်းများ တစ်ဟုန်ထိုးမြင့်တက်လာကြောင်း ငရုတ်သီးဈေးကွက်ကျွမ်းကျင်သူများထံမှ သိရသည်။

အခုရက်ပိုင်းအတွင်း ပြည်ပဝယ်လက်ရှိနေတော့ ငရုတ်သီးဈေးတွေ ထိုးတက်လာတယ်။ မလေးရှားနိုင်ငံကနေ အဓိကဝယ်နေတယ်။ ထိုင်းနိုင်ငံဘက်မှာလည်း ငရုတ်သီးလိုအပ်ချက်ရှိနေတယ်ကြားတယ်။ အခုလို ဝယ်လိုအားရှိလာတော့လည်း မြန်မာပြည်မှာက ငရုတ်သီးမရှိဘူး။ ကျွန်တော်တို့ဒေသကထွက်တဲ့ ငရုတ်သီးတွေကလည်း အခုချိန် မရှိသေးဘူးလေ။ ဧပြီလ၊ မေလလောက်တုန်းက စိုက်ထားခဲ့တဲ့အခင်းတစ်ချို့ကလည်း ပျက်ကုန်တယ်။ မိုးတအားများလို့ အပင်ရောဂါတွေ ကျရောက်ကုန်တာကြောင့်ပါ။ အခု အသီးကျန်မယ်ဆိုလည်း မအူပင်ဘက်တော့ နည်းနည်းကျန်လောက်မယ်။ ဒါတောင် အသီးတွေက သိပ်မကြီးလောက်သေးဘူး။

ဟု မန္တလေးတိုင်းဒေသကြီး၊ မြစ်သားမြို့နယ်၊ ရွာခိုင်ကြီးကျေးရွာမှ ငရုတ်သီး စီးပွားဖြစ်စိုက်ပျိုးထုတ်လုပ်တင်ပို့ရောင်းချနေသူ ကိုမြင့်ထွန်းဦးက ပြောသည်။

၂၀၂၁ ခုနှစ်၊ နိုဝင်ဘာလ ၁၅ ရက်ဝန်းကျင်က ငရုတ်သီးအစိမ်း လက်ကားဈေးတစ်ပိဿာလျှင် ၁၈၀၀ ကျပ်၊ ငရုတ်သီးအမှည့်အစို လက်ကားဈေး တစ်ပိဿာလျှင် ၁၂၀၀/၁၃၀၀ ကျပ် ဈေးနှုန်းရှိခဲ့သော်လည်း၊ ယခုတစ်ပတ်အတွင်း ငရုတ်သီးအစိမ်း လက်ကားဈေး တစ်ပိဿာလျှင် (၁၈၀၀) ကျပ်မှ (၂၀၀၀) ကျပ်ဝန်းကျင်၊ ငရုတ်သီးအမှည့်အစို လက်ကားဈေး တစ်ပိဿာလျှင် (၄၀၀၀) ကျပ်ဝန်းကျင်အထိ ဈေးနှုန်းများမြင့်တက်နေသည်။

ဒီနှစ် ဇူလိုင်လလောက်ကစိုက်ထားတဲ့ အသီးတွေလောက်ပဲ ဈေးကောင်းနဲ့မိနိုင်မယ်။ တောင်သူတွေကလည်း နောက်ထပ် ထပ်ပြီးစိုက်ပျိုးဖို့က မဖြစ်နိုင်သေးဘူး။ အခုနှစ်မှာ စိုက်ပျိုးစရိတ်တွေဈေးကြီးတာအပြင် အဓိကက ငရုတ်သီးဈေးကွက် မခိုင်မာမသေချာတာကြောင့်ပေါ့။ ဘယ်အချိန်ထပြီး ဈေးတက်မယ်ဆိုတာ ကြိုမသိနိုင်တဲ့အပြင် စိုက်ထားပြီးမှဈေးကောင်းနဲ့မကြုံရတာမျိုးတွေလည်း ရှိပါတယ်။ တောင်သူတွေအနေနဲ့က သုံးနှစ်မှာ တစ်နှစ်လောက် ဈေးကောင်းကြုံရင်တောင် တော်သေးတယ်။ အခုက ဈေးကွက်ပိုင်း သေချာမှု အားနည်းနေပါတယ်။

ဟု ငရုတ်သီးစိုက်တောင်သူတစ်ဦးက ဆိုသည်။

မြန်မာနိုင်ငံတွင် ငရုတ်သီးကို မန္တလေးတိုင်းဒေသကြီး ကျောက်ပန်းတောင်း၊ ပုပ္ပါး၊ မြစ်သားဒေသအနီးတစ်ဝိုက်၊ မကွေးတိုင်းဒေသကြီး နတ်မောက်အနီးတစ်ဝိုက်၊ ဧရာဝတီတိုင်းဒေသကြီး မအူပင်၊ ညောင်တုန်း အနီးတစ်ဝိုက်ဒေသများတွင် အဓိကစိုက်ပျိုးထုတ်လုပ်နေကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ