ကြက်သွန်နီဈေးနှုန်းများ မြင့်တက်လာ

ယခုရက်ပိုင်းအတွင်း မြစ်သားကြက်သွန်နီဈေးနှုန်းများ မြင့်တက်လာကြောင်း မြန်မာနိုင်ငံကြက်သွန်နီ ၊ ကြက်သွန်ဖြူနှင့် စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

အခုရက်ပိုင်းအတွင်း တရုတ်မှ ကြက်သွန်နီဝယ်ယူမှုရှိတာကြောင့် မြစ်သားကြက်သွန်နီဈေးနှုန်းများမှာ တက်လာကြောင်း မြန်မာနိုင်ငံကြက်သွန်နီ ၊ ကြက်သွန်ဖြူနှင့်စားဖိုဆောင်သီးနှံ စိုက်ပျိုးထုတ်လုပ် တင် ပို့ရောင်းချသူများအသင်းမှ ဥက္ကဌ ဦးခင်ဟန်ကပြောပါတယ်။

“ဒီရက်ပိုင်းအတွင်းမှာ ကြက်သွန်နီတွေထဲကမှ မြစ်သားကြက်သွန်နီကို နယ်စပ်တရုတ်ဘက်က ဝယ်ယူနေတဲ့အတွက် ဈေးနှုန်းတက်လာတယ်။ မြင်းခြံ ၊ ပခုက္ကူ နဲ့ တောင်းတွင်းကြက်သွန်နီတွေကိုတော့ ဝယ်ယူမှုမရှိသေးဘူး။ ပြည်ပဈေးကွက်လည်း ခုချိန်ထိမရှိသေးဘူး”

နယ်အစုံမှ ကြက်သွန်နီကုန်တင်ကားအစီးရေမှာ တစ်နေ့ကိုပျှမ်းမျှ (၅၀) ခန့် ဝင်ရောက်နေကြောင်း လည်း မြန်မာနိုင်ငံကြက်သွန်ဖြူ ၊ ကြက်သွန်နီနှင့်စားဖိုဆောင်သီးနှံ စိုက်ပျိုးထုတ်လုပ်တင်ပို့ရောင်း ချသူများအသင်းမှသိရပါတယ်။

ယခင်တစ်ပတ်က မြစ်သားရှယ်တစ်ပိဿာကို ၆၀၀ ကျပ်ရှိရာမှ ၇၀၀ ကျပ်တက်လာပြီး ၊ မြစ်သားလတ်ကြီး တစ်ပိဿာကို ၈၅၀ ကျပ်မှ ၉၀၀ ကျပ်တက်လာကြောင်း ဘုရင့်နောင်ကုန်စည်ဒိုင်ဈေးနှုန်း များအရ သိရပါတယ်။

အောင်ကျော်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ