ကန်စွန်းဥကို ယိုထိုးစားရအောင်

ကန်စွန်းဥဟာဆိုရင်ဖြင့် လူလတ်ပိုင်းတွေအတွက် အကောင်းဆုံးအစားအစာဖြစ်ပါတယ်။ ကန်စွန်းဥမှာ ကာဗွန်ဟိုက်ဒရိက်၊ ဘီတာကယ်လ်ရိုတင်း၊ မဂ္ဂနီဆီယမ်၊ ဇင့်၊ ဗီတာမင်A၊ ဗီတာမင် Bနှင့် ဗီတာမင် C ဓာတ်များ ပါဝင်တဲ့အတွက်ကြောင့် ကျန်းမာရေးအတွက်လည်း တော်တော်အထောက်အကူပြုပါတယ်။ မြန်မာနိုင်ငံမှာကန်စွန်းဥကို များသောအားဖြင့် ပြုတ်စားတယ်၊ ဖုတ်စားတယ်၊ ကြော်စားကြပါတယ်။ ကန်စွန်းဥနဲ့ပတ်သက်ရင် တီထွင်ဖန်တီးပြီး စားသောက်လို့ရတာတွေအများကြီးရှိပါတယ်ရှင့်။ စားသောက်လို့ရတဲ့နည်းလမ်းတွေထဲမှ အလွယ်ကူဆုံးပြုလုပ်လို့ရတဲ့ ကန်စွန်းဥယိုပြုလုပ်နည်းကို ပြောပြပေးပါ့မယ်။

လိုအပ်သောပစ္စည်းများ

- ကန်စွန်းဥ

- သန့်စင်သောသကြား

- အချဉ်ရည် (လိမ္မော်၊ ရှောက် တို့မှရသောအချဉ်ရည်တစ်မျိုးမျိုး)

- ရေ

- လတ်ဆတ်သော အသီးတစ်မျိုးမျိုး(ငှက်ပျောသီး)

ပြုလုပ်ပုံ

အဆင့်(၁)။ ။ ကန်စွန်းဥများကိုအခွံခွာပြီး အတုံးသေးသေးလေးတွေလှီးကာ ရေပြောင်အောင်ဆေးပါ။ ပြှီးရင်တော့ ကန်စွန်းဥကို ပြုတ်ပါ။

အဆင့်(၂)။ ။ ပြုတ်ထားသောကန်စွန်းဥများကို ဇွန်းဖြင့်ချေ၍ ကန်စွန်းဥနှစ် ဖန်ခွက်တစ်ခွက်လျှင် သကြားတစ်ခွက်နှုန်းထည့်၍ သမအောင်မွှေပြီး ရေ(ကန်စွန်းနှစ်ရဲ့ တစ်ဆနှင့် သုံးပုံတစ်ပုံ) ထည့်ကာ ပွက်အောင်တည်ပေးရပါမယ်။ ပွက်သွားပြီဆိုရင် လှီးထားတဲ့ငှက်ပျောသီးများကိုထည့်၍ (၅) မိနစ်ခန့်ချက်ပေးရင် တဖြည်းဖြည်းပျစ်လာပါလိမ့်မယ်။ ဇွန်းနဲ့ခပ်ထုတ်ကြည့်ပြီး ရေခွက်ထဲထည့်ကြည့် အပျစ်တိုင်းပဲဆိုရင်တော့ အချဉ်ရည် လက်ဖက်စားဇွန်းတစ်ဇွန်းခန့်ထည့် ခဏမွှေပြီး မီးဖိုပေါ်ကချပေးလို့ရပါပြီ။ ရေခွက်ထဲထည့်ကြည့်လို့အဆင်မပြေရင်တော့ အချဉ်မထည့်သေးဘဲထပ်ချက်ပေးပါနော်။

အဆင့်(၃)။ ။ အအေးခံပြီးသွားရင်တော့ ပိုးသတ်ထားသော ပုလင်းထဲကိုထည့်လို့ရပါပီ။

ကန်းစွန်းဥကိုပြုတ်ပဲစားနေရလို့ ငြီးငသွေ့နေပြီဆိုတဲ့သူတွေအတွက် ယိုပြုလုပ်ပြီး သရေစာဖြစ်ဖြစ် မနက်စာအဖြစ် ပေါင်မုန့်ထဲသုပ်ပြီးပဲဖြစ်ဖြစ် စားလို့ရပါပီနော်။

ကျော့နန္ဒာစိုး

ကိုးကားချက်။ bar.gov.ph-Department of Agriculture

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ