ရိုးရှင်းတဲ့ စတော်ဘယ်ရီယိုထိုးနည်း

အခုချိန်က စတော်ဘယ်ရီတွေပေါနေတဲ့အချိန် အထိမခံစတော်ဘယ်ရီသီးတွေကို ပေါတုန်းများများဝယ်ထားချင်တဲ့ အန်တီ၊ မမများ စတော်ဘယ်ရီယိုလေး ထိုးထားကြမယ်ဆိုရင်ရော…

ပါဝင်ပစ္စည်းလို့ အမည်တပ်လို့မရအောင် ရိုးရှင်းလွန်းပါတယ်နော်..

- စတော်ဘယ်ရီသီး (၈၀၀ ဂရမ်)

- သကြား (၅၀၀ ဂရမ်)

- သံပုရာသီး (တစ်လုံး) ဒီသုံးမျိုးထဲပါ။

လတ်ဆတ်တဲ့ စတော်ဘယ်ရီသီးတွေကို ရေဆေး အညှာချွတ်ပြီး နုတ်နုတ်လေးတွေစင်းပါ။ ပြီးရင် သံပုရာသီးရည် ညှစ်ထည့်ပြီး သကြားလည်းထည့်ကာ သမအောင်မွှေပါ။

ဒယ်အိုးနဲ့လည်းကျိုလို့ရသလို အိမ်ရှင်မများအများဆုံးသုံးတဲ့ ဒယ်နီနဲ့လည်းရပါတယ်ရှင့်။

အရင်ဆုံး မီးနည်းနည်းပေးကာ သကြားများပျော်သည်အထိတည်ပေးပါ။ မွှေပေးနေဖို့တော့ လိုပါမယ်နော်။

၁၀ မိနစ်လောက်တည်ပြီး သကြားပျော်သွားပြီဆိုရင် မီးထပ်တင်ပြီး မိနစ် ၃၀ လောက်တည်ပေးပါ။ တည်နေတုန်းကြားထဲ အမြှုပ်တွေထွက်လာရင် ဖယ်ပစ်ပေးပါ။

နာရီဝက်တည်ပြီးတဲ့အခါ ၅ မိနစ်လောက်အအေးခံပြီး ပန်းကန်ထဲအနည်းငယ်ထည့်ကြည့် ပန်းကန်ကို ဟိုဘက်ဒီဘက်စောင်းကြည့်ပါ။ ယိုများမကျသွားပဲ ကပ်နေတဲ့အနေထားဆိုရင် ရပါပီ။

အိမ်မှာပဲ ကိုယ်တိုင်လုပ်လို့အဆင်ပြေတဲ့ စတော်ဘယ်ရီယိုကို ပေါင်မုန့်နဲ့ညှပ်စားပြီး သာယာတဲ့ မနက်ခင်းတိုင်းပိုင်ဆိုင်နိုင်ကြပါစေနော်။

ကျော့နန္ဒာစိုး

ကိုးကား- Youtube

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ