နိုဝင်ဘာလအတွင်း ကွမ်းစျေး ကြိမ်းသေတက်လာမည်ဟု တောင်သူများမျှော်လင့်ထား

၂၀၂၀ ခုနှစ် နိုဝင်ဘာလအတွင်း ကွမ်းစျေး ကြိမ်းသေတက်လာမည်ဟု တောင်သူများမျှော်လင့်ထားကြောင်း ကွမ်းဈေးကွက်အတွင်းမှ သိရသည်။

စျေးကွက်က နှစ်တိုင်း ဒီရာသီက ကွမ်းစျေးစတက်တဲ့ရာသီပဲ။ မနှစ်က အခုချိန်ဆို အမြင့်ဆုံးစျေး တစ်ပိဿာကို ၉,၀၀၀ စျေးလောက် ရောင်းခဲ့ရတယ်။ ဒီလအတွင်း ကွမ်းစျေး ကြိမ်းသေတက်လိမ့်မယ်လို့တော့ မျှော်လင့်ထားပါတယ်။

ဟု ဧရာဝတီတိုင်း၊ ကျောင်းကုန်းမြို့နယ်၊ သစ်ဆိမ့်ကုန်းအုပ်စု၊ မှော်သေးကျေးရွာမှ ကွမ်းပင် စီးပွားဖြစ်စိုက်ပျိုးသူ ကိုထွန်းထွန်းက ပြောသည်။

COVID-19 အချိန်ကာလ ပြီးစီးသွားစေရန်နှင့် ကွမ်းဈေးကွက် ပြန်လည်ကောင်းမွန်အဆင်ပြေလာစေမည်ဟု တောင်သူအများစု ယုံကြည်ထားကြောင်း သိရသည်။

ကျွန်တော်တို့တောင်သူတွေအနေနဲ့ကတော့ ရွေးကောက်ပွဲ အေးဆေးတည်တည်ငြိမ်ငြိမ်နဲ့ ပြီးစီးသွားပြီး ကွမ်းစျေးတွေလည်း ဒီထက်ပိုတက်ဖို့ပဲရှိပါတော့တယ်လို့ ယူဆရပါတယ်။ ကိုဗစ်ကာလ အတားအဆီးတွေကိုလည်း နောက်ပိုင်းမှာ တစ်ဖြည်းဖြည်းချင်း လျော့နည်းလာလိမ့်မယ်လို့ ထင်ပါတယ်။

ဟု ၎င်းက ဆိုသည်။

နိုဝင်ဘာလ ပထမပတ်အတွင်း ဧရာဝတီတိုင်းမှ ရန်ကုန်ဈေးကွက်သို့ တင်ပို့ရောင်းချနေသည့် ကွမ်းဈေး (COVID-19 အချိန်ကာလ၏) အမြင့်ဆုံးစျေး တစ်ပိဿာလျှင် ၆,၅၀၀ ကျပ်မှ ၇,၀၀၀ ဝန်းကျင် ပေါက်ဈေးရှိနေကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ