ထောပတ်ပင်စိုက်ပျိုးသူများ Export လမ်းများပြန်လည်ပွင့်လန်းလာရန် မျှော်လင့်နေ

ထောပတ်ပင် စီးပွားဖြစ်စိုက်ပျိုးထုတ်လုပ်နေသူများအနေဖြင့် Export လမ်းကြောင်းများ ပြန်လည်ပွင့်လန်းလာရန် မျှော်လင့်စောင့်ဆိုင်းနေကြောင်း ထောပတ်သီးဈေးကွက်တွင်းမှ သိရသည်။

Hass မျိုးဆိုရင် နဂိုကတည်းက Export ဈေးကွက်ရှိပြီးသား ထောပတ်မျိုးပါ။ ပြည်ပတင်ပို့တဲ့အခါ သူ့ပေါက်ဈေးနဲ့သူ ရရှိနိုင်ပါတယ်။ အခုကာလအတွင်းဆိုတော့ ဘဏ်စနစ်တွေကအစ အားနည်းနေတာကြောင့် တင်ပို့မှုရပ်ထားရတာမျိုးတွေ ရှိတာပါ။ ရေရှည်မှာဆိုရင်တော့ ပြည်တွင်းဈေးကွက်တစ်ခုတည်းနဲ့ဆို အဆင်မပြေတာမို့ ပြည်ပတင်ပို့မှုတွေ မဖြစ်မနေ ပြန်လည်ပတ်လာဖို့က လိုအပ်ပါတယ်။

ဟု ရှမ်းပြည်နယ်တောင်ပိုင်း၊ တောင်ကြီးမြို့မှ ထောပတ်ပင် စီးပွားဖြစ်စိုက်ပျိုးသူ ဒေါ်နန်းခမ်းရီက ပြောသည်။

ထောပတ်သီး Export တင်ပို့မှုအားနည်းပါက စိုက်ပျိုးစရိတ်နှင့် အပင်ပြုစုထိန်းသိမ်းစရိတ်များ မကာမိခြင်း၊ ပြည်တွင်း ဒေသအသီးသီးမှထွက်ရှိလာမည့် အသီးအားလုံးအတွက် ဖြုန်းအားမလုံလောက်ခြင်း၊ အရည်အသွေးကောင်း/မျိုးကောင်း အသီးများအတွက် တိကျခိုင်မာသော ဈေးနှုန်းများ မရရှိနိုင်ခြင်း စသည့် အခက်အခဲအမျိုးမျိုးကို ကြုံတွေ့ရနိုင်ကြောင်း ကိုယ်တိုင်စိုက်ပျိုးသူများထံမှ သိရသည်။

အရင်ကဆိုရင် မြန်မာပြည်တွင်းမှာ ထောပတ်သီးကို အသီးဖျော်ရည်အဖြစ်ပဲ စားသုံးမှုများခဲ့တယ်။ နောက်ပိုင်းမှာဆိုရင် အသင်းအဖွဲ့တွေရဲ့ကြိုးပမ်းမှုကြောင့် ထောပတ်သီးကို တခြားစားသုံးမှုပုံစံအမျိုးမျိုး စီမံစားသုံးလို့ရတယ်ဆိုတာကို တော်တော်လေးသိလာကြပါတယ်။ ထောပတ်စိုက်ပျိုးသူတွေအနေနဲ့က တစ်နှစ်တလေ Export အားနည်းတာကိုတော့ တောင့်ခံထားနိုင်ရင်တောင်၊ အသီးအထွက်နှုန်းရှိလာသမျှကို ရောင်းကုန်ဖို့ဆိုရင်တော့ နောက်နှစ်နောက်နှစ်တွေမှာ Export တင်ပို့မှုတွေ အခုထက် အားကောင်းလာမှကိုဖြစ်မှာပါ။

ဟု ၎င်းက ဆက်လက်ပြောသည်။

လက်ရှိတွင် အရည်အသွေးကောင်း ထောပတ်သီးများကို ရှမ်းပြည်နယ်တောင်ပိုင်း၊ ရှမ်းပြည်နယ်မြောက်ပိုင်း၊ မန္တလေးတိုင်းဒေသကြီး(ပြင်ဦးလွင်ဒေသ အနီးတစ်ဝိုက်)တို့တွင် အဓိက စီးပွားဖြစ် စိုက်ပျိုးထုတ်လုပ်နေကြပြီး၊ ချင်းပြည်နယ်နှင့် ကချင်ပြည်နယ်တို့တွင်လည်း စိုက်ပျိုးထုတ်လုပ်မှုရှိကြောင်း သိရှိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ