ဘက်ဂျက် တွက်ကြမယ်

တူတူတွက်ကြမယ်။

အရင်တစ်ခေါက်က Partial Budget ဆိုတာဘာလဲ။ ဘယ်လို အစိတ်အပိုင်းတွေ ပါရမလဲ ဆိုတာကို ပြောပြပြီးပြီ ဆိုတော့ အချက်အလက်တွေကို စုဆောင်းထားလိမ့််မယ်လို့ ထင်ပါတယ်။ အဲ့လို ဆိုတော့ အခု အရင်စီမံကိန်းက ပဲတီစိမ်းစိုက်နေတယ် လို့ ယူဆပါမယ်။ အဲ့လို ပဲတီစိမ်း စိုက်နေရာကနေပြီးတော့ ဆလပ်ရွက်ကို ပြောင်းစိုက်လိုက်ချင်တယ်ဆိုရင် ဘယ်လိုတွက်မလဲ ဘယ်လို ချိန်ဆမလဲ??

အကြမ်းတွက်နည်းကို အောက်မှာဇယားလေးနဲ့ ပြောပြထားပါတယ်။

ဥပမာကတော့ သီးနှံတစ်ခုကို ပြောင်းစိုက်မယ် ဆိုတဲ့ ဆုံးဖြတ်ချက်ကို ပြောင်းလဲလိုက်မယ် ဆိုရင် အဲ့အတွက် Patial Budget အနေနဲ့တွက်ကြည့်ရအောင် .......

ဆလပ်စိုက်မယ်ဆိုရင် ရောင်းရငွေချည်းပဲ ၁၅၀ ရမယ်။ နောက်ပြီး ပဲတီစိမ်းမှာလိုထည့်ရတဲ့ လုပ်အားခတွေကပါ လျော့ကျသွားတဲ့အတွက် ပိုလာတာက ၂၀၈ ကျပ် ဖြစ်ပါတယ်။ အဲ့တော့ ဆလပ် စိုက်ရင် ရမဲ့ စုစုပေါင်း ပြန်ရချက်ကိုလိုချင်ရင်တော့

စုစုပေါင်း ပြန်ရချက်(ဆလပ်) = ဆလပ်က ပြန်ရငွေ + ဆလပ်စိုက်လို့ လျော့လိုက်လို့ရတဲ့ ကုန်ကျစရိတ်(ပဲတီစိမ်းကုန်ကျစရိတ်နှင့် နှိုင်းယှဉ်)

= ၁၅၀ + ၂၀၈

= ၃၅၈ ကျပ်

ဆလပ်စိုက်လိုက်လို့ ပြန်ရမဲ့ ပြန်ရချက်စုစုပေါင်းက ၃၅၈ ကျပ် ဖြစ်ပါတယ်။

နောက်တစ်ခြမ်းဖက်ကတော့ ပဲတီစိမ်းစိုက်ရင် ရမဲ့ ပြန်ရောင်းရငွေက ၃၆၀ ဖြစ်ပါတယ်။ ဘာလို့ လျော့ကျပြန်ရချက်လို့ ဆိုထားတာကတော့ ကိုယ်မစိုက်တော့တဲ့အတွက်ကြောင့် လက်လွှတ်လိုက်ရတဲ့ ပြန်ရချက်ဖြစ်ပါတယ်။ အဲ့ဒါကြောင့်ပါ။

နောက်ထပ်တိုးကုန်ကျစရိတ်ဆိုတာကတော့ ဆလပ်နဲ့ ဆိုင်ပါတယ်။ ဆလပ်ကို ပဲတီစိမ်း နေရာမှာစိုက်ရင် ထပ်တိုး ကုန်ကျစရိတ်အနေနဲ့ ဘာတွေရှိနိုင်မလဲ ဆိုတာကို တွက်ထားတာပါ။ အဲ့လိုဆိုတော့ သူက အလုပ်သမား ကုန်ကျစရိတ် ၂၈ ကျပ်ရယ်။ နောက်ထပ်သွင်းအားစု တန်ဖိုးက ၃၆ ကျပ် ဖြစ်ပါတယ်။ စုစုပေါင်းက ၃၆ ကျပ်ဖြစ်ပါတယ်။

ပဲတီစိမ်းစိုက်လို့ ဆုံးရှုံးရမဲ့ စုစုပေါင်း = ပဲတီစိမ်း ရောင်းရငွေ + ကုန်ကျစရိတ် (ဆလပ်ကုန်ကျစရိတ် နှင့် နှိုင်းယှဉ်)

= ၃၆၀ + ၃၆

= ၃၉၆ ကျပ်

ဇယားကို (၂)ခြမ်းခွဲကြည့်ကြမယ်။ တစ်ဖက်ခြမ်းက ပြန်ရချက် (ကိုယ်ပြောင်းလိုက်တဲ့ လုပ်ငန်းဆုံးဖြတ်ချက်ကြောင့်မို့ ရလာတဲ့ ရလာဒ်) ဖြစ်ပြီးတော့ နောက်တစ်ဖက်ခြမ်းကတော့ ဘာပြောင်းလဲမှုမျိုးမှ မလုပ်ပဲနဲ့ ရလာတဲ့ ရလာဒ်ဖြစ်ပါတယ်။ ရှင်းရှင်းပြောရရင်တော့ ဘယ်ဖက်က အပေါင်း(ကိုယ်ရမှာ) ဖြစ်ပြီး ညာဖက်က အနုတ်(ကိုယ်ဆုံးရှုံးမှာ) ဖြစ်ပါတယ်။

ကဲ့ အဲ့ အပေါင်းဖက်ခြမ်းကနေ အနုတ်ဖက်ခြမ်းတွေကို နုတ်ပါ။

အပေါင်းဖက်ခြမ်းက (၃၅၈)ကျပ် ဖြစ်ပြီးတော့ အနုတ်ဖက်ခြမ်းက (၃၉၆)ကျပ် ကိုနုတ်လိုက်ရင် (၃၈)ကျပ် ဖြစ်ပါတယ်။ ခုနကပြောခဲ့တဲ့ ကိုယ်ရချင်တဲ့ အသားတင်ကိုလိုချင်လို့ နုတ်လိုက်တာဖြစ်ပါတယ်။ အဲ့ဒါဆိုတော့ (၃၈)ကျပ် ဆုံးနေပါတယ်။

ဒါဆိုရင် ပဲတီစိမ်းစိုက်တာနဲ့ဆလပ်စိုက်တာနဲ့ ဘယ်ဟာကို စိုက်သင့်သလဲဆိုတာကို ဆုံးဖြတ်လို့ ရနိုင်ပြီ ထင်ပါတယ်။ ဆလပ်စိုက်လိုက်ရင် (၃၈)ကျပ် ဆုံးတာ သေချာမှာဖြစ်ပါတယ်။

ကဲ ပါရှယ် ဘက်ဂျက် ဆိုတာ ဘယ်လို အသုံးဝင်ပြီလဲ သိကြပြီလား။ တကယ်လို့ တွက်ချင်တယ်ဆိုရင် တော့ .......... အကြောင်းကြားလိုက်ပါတော့ ..…

ထွန်းဝင်းကျော်

https://slideplayer.com/slide/4297090/14/images/5/Partial+Budget+Example.jpg

(ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်" "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ)