စတော်ဘယ်ရီအသီးအားကောင်းအောင် အပင်ပြုစုနည်း

စတော်ဘယ်ရီပျိုးပင်ပေါက်လေးများ ရွေ့ပြောင်းစိုက်ပျိုးပြီးနောက် ပေါင်းပင်များပေါက်လာလျှင် ပေါင်းသင်ခြင်း မိုးမရွာ၍မြေခြောက်ပါက ရေလောင်းပေးခြင်းတို့ ပြုလုပ်ပေးပါ။

စိုက်ပျိုးပြီး (၄၀) ကျော်လာပါက အဖူးအပွင့်များပွင့်ပြီး အသီးများအနည်းအများ စသီးပါသည်။ အသီးပို၍ ဆက်သီးဖို့အတွက် မကြာခဏ ပေါင်းသင်ပေးခြင်း၊ မြေဆွေးများထပ်မံဖြူးပေးခြင်းများ ပြုလုပ်ပေးပါ။

အသီးများသီးစအချိန်တွင် ကောက်ရိုး၊ မြက်ခြောက်၊ ထင်းရှူးရွက်ခြောက် စသည့်တစ်မျိုးမျိုးကို နွယ်များ၏အောက်တွင်ခံပေးရမည် (ပလက်စတစ်အုပ်စိုက်ထားလျှင် ခံပေးစရာမလို)။ ဤကဲ့သို့ ခံပေးရခြင်းမှာ မိုးရွာလျှင်မြေနှင့်ထိတွေ့၍ အသီးများပုပ်သွားသောကြောင့်ဖြစ်သည်။

စတော်ဘယ်ရီပင်လေးများသည် နိုက်ထရိုဂျင်၊ ဖော့စဖောရပ်နှင့် ပိုတက်စီယမ် ဓာတ်တို့ကို အဓိက လိုအပ်ပါသည်။ ဓာတုလွတ်စိုက်ပျိုးသူများအနေဖြင့် လိုအပ်သောအာဟာရဓာတ်များကို ဘောင်ပြင်ချိန်မှာ ကြက်ချေး၊ နွားချေးထည့်ပေးပါ။ အပင်ကြီးထွားချိန်နှင့် အသီးသီးချိန်များတွင်လည်း မိမိလုပ်ထားသောသဘာဝအားဆေးများကိုလည်း အသုံးပြုဖြန်းပေးနိုင်ပါသည်။

သမားရိုးကျ စိုက်ပျိုးသူများသည် ဘောင်ပြင်ချိန်တွင် တီစူပါမြေသြဇာထည့်သွင်းပြင်ပေးပါ။ ယူရီးယားနှင့်ပိုတက်ရှ်မြေသြဇာများကို ဆတူရောပြီး ရွေ့ပြောင်းစိုက်ပြီး နှစ်ပတ်သားမှ စတင်၍ ပထမအသီးစတင်ဆွတ်ခူးချိန်ထိ ခွဲ၍ ကျွေးပေးလေ့ရှိပါသည်။

စတော်ဘယ်ရီပင်များ အပင်အာဟာရလိုအပ်နေချိန်တွင် အရွက်များ အဝါရောင်ဖြစ်လာပြီး အရောင်ဖျော့လာသည်။ ပန်းပွင့်အားသာကောင်းနေပြီး အသီးမတည်မှုများကြုံရပါသည်။ တစ်ချို့အပင်များသည် အပင်အားကောင်းနေသော်လည်း အပွင့်မပွင့်တာမျိုးကြုံနေရပါသည်။ အထက်ပါ လက္ခဏာများကို အမြဲစစ်ဆေးနေပြီး အသီးအားကောင်းသော စတော်ဘယ်ရီပင်များကို စိုက်ပျိုးပြုစုနိုင်ကြပါစေ။

ကိုးကား- https://garden.lovetoknow.com/wiki/Fertilizer_for_Strawberries

အောင်ဝင်းထွဋ်၏ "သီးပင်စိုက်ပျိုး ဝင်ငွေတိုး"

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ