စိုက်ပျိုးရေးဖြင့် စီးပွားတက်စေဖို့ (၁)

မိရိုးဖလာဖြစ်နေလို့သာ စိုက်ပျိုးရေး လုပ်နေပါသလား? တခြားလုပ်စရာမရှိ၍သာ စိုက်ပျိုးရေး လုပ်နေပါသလား? သို့မဟုတ် ဝါသနာကြောင့်သာ စိုက်ပျိုးရေးလုပ်နေပါသလား? မည်သို့ပင်ဖြစ်ပါစေ မိမိတို့စိုက်ထုတ်လိုက်သော ငွေကြေးအရင်းအနှီး၊ လုပ်အား၊ အချိန် တို့အတွက် ထိုက်သင့်သော အမြတ်အစွန်း၊ ပြန်ရချက်ကို လိုအပ်ကြမှာပါပဲ။ ထို့အတွက် စိုက်ပျိုးရေးက စီးပွားမဖြစ်ဘူးဆိုတဲ့ အတွေးအမြင် အယူအဆများကို သုံးသပ်၊ ပြောင်းလဲ ကြည့်ကြပါစို့။

ဆရာမတစ်ယောက်က ပြောဖူးသည် “စိုက်ပျိုးရေးဆိုတာ တာထွက်ပြီဆိုတာနဲ့ နောက်ပြန် လှည့်လို့ မရဘူး” ဟုပင်။ ဆိုတော့ ဘာမှစမစိုက်ခင် ကြိုတင်တွေးတောရမည်။ ကြိုတင်ကြံစည်ရမည်။ ကြိုတင်ပြင်ဆင်ရမည်။ ဆိုလိုချင်တာကတော့ ဦးနှောက်ဖြင့် စတင် အလုပ်လုပ်ခြင်းပင်ဖြစ်ပါသည်။

၁။ ကြိုတင်တွေးတောခြင်း

အရင်ဦးစွာ မိမိမှာရှိနေသော အရင်းခံအကြံဉာဏ်၊ အသိဉာဏ်ကို ဦးတည်ရမည်။ မိမိလုပ်နိုင်တာကို တွေးရမည်။ မိမိလုပ်ချင်တာကို တွေးရမည်။ ဒါမှသာ တိုးတက်စေနိုင်မည့် အလားအလာ ရှိမည်။ ထို့အပြင် အသစ်သစ်သော စိန်ခေါ်မှုများပြုလုပ်မည်ဆိုပါက မိမိမလုပ်နိုင်သည့် အပိုင်းများကို သိအောင်တွေးတောရမည်။ ကိုယ်မလုပ်နိုင်သော အပိုင်းကို လုပ်နိုင်သည့်သူများကိုလည်း သိနေရမည်။ ထိုအရာကို မသိနေပါက သိနေမည့် သူများထံမှ အကူအညီ ရယူနိုင်ရန်အတွက် ကြိုးပန်းရမည်ဖြစ်သည်။ ဤနေရာတွင် တွေးတောခြင်းသည် အလုပ်ဆက်လုပ်နိုင်ရန်ဖြစ်သဖြင့် တွေးတောခြင်းအဆင့်၌ ရပ်မနေစေရန် သတိပြုပါ။ တခြားသူများ သို့မဟုတ် မိမိဒေသဝန်းကျင်မှသူများ မလုပ်ဖူးသော၊ မလုပ်သေးသော လုပ်ငန်းအသစ်ကို လုပ်ဆောင်ရန် တွေးတောကြံစည်နေပါက ဤအဆင့်သည် ပထမဆုံး မလွဲမသွေ ကျော်ဖြတ်ရမည် ဖြစ်သည်။ ရဲရဲကြီးကျော်ဖြတ်ရမည်။

၂။ ကြိုတင်ကြံစည်ခြင်း

အရင်းနည်းနည်းဖြင့် အမြတ်များများကို မည်သူမဆို လိုချင်ကြမည် ဖြစ်သည်။ ဒီ့အတွက် အရှင်းဆုံးအဖြေမှာ ရင်းနှီးရာတွင် အနည်းဆုံးနှင့် အထိရောက်ဆုံး ဖြစ်ခြင်းရမည်။ ထို့အတွက်ကြောင့် ကြိုတင်ကြံစည် ရတော့မည်။ မိမိလုပ်ဆောင်မည့် အဆင့်တိုင်း အဆင့်တိုင်းတွင် လေလွင့်ဆုံးရှုံးပြီး အလဟာသဖြစ်စေနိုင်မည့် အကြောင်းအရာများကို တွေးကြည့်ရမည်။ မသိလျှင် မေးကြည့်ရမည်။ သိလာရန် လေ့လာကြည့်ရမည်။ ထို့နောက် မှတ်သား ပြုစုထားရမည်။ ပြီးလျှင် ဖြေရှင်းနိုင်မည့် နည်းလမ်းများကိုပါ စဉ်းစား ကြံစည်ထားရမည်။ ဟာကွက်မရှိစေရန်အတွက် ပြင်ဆင်လိုက်ခြင်း ဖြစ်သည်။ ဤမျှနှင့် မရသေးပေ။ တီထွင် ထိုးဖောက်မှုရှိသော နည်းလမ်းလိုအပ်သည်။ ဤသည်မှာ အလှပဆုံးနှင့် အခက်ခဲဆုံးဖြစ်သည်။ နည်းလမ်းကိုသိပါက နည်းပညာကိုရမည်ဖြစ်သည်။ နည်းပညာသည် ငွေသာဖြစ်သည်။ ဆိုလိုသည်မှာ နည်းပညာရှိလျှင် အမြတ်ပိုရမည်။ ဥပမာဆိုရသော် ငှက်ပျောသီးကို အခြောက်ခံထုတ်ပိုး၍ ရောင်းချခြင်းမျိုးဖြစ်သည်။ စွန့်ဦးတီထွင်သူများသည် သက်တောင့်သက်သာအခြေအနေမှ ယုံကြည်မှုအားနည်းခြင်းကြောင့် ကြောက်ရွှံခြင်း၊ တွန့်ဆုတ်ခြင်းအခြေအနေကို ကျော်ဖြတ်ကြရသည်။ ထို့နောက်မှ သင်ယူခြင်း၊ စိန်ခေါ်ခြင်း ဆိုသော အပိုင်းများကို ရောက်ရှိကျော်လွန်၍ အဆုံးတွင် အမြဲတစေ တိုးတက်စေနိုင်မည့် လမ်းကြောင်းကို ရှာဖွေတွေ့ရှိသွားခြင်းဖြစ်သည်။ ထိုအရာအားလုံးကို ကြိုတင်ကြံစည် အစီအစဉ်ဆွဲခြင်းမှ စတင်ပါသည်။

၃။ ကြိုတင်ပြင်ဆင်ခြင်း

ဤအဆင့်တွင် အပေါ်နှစ်ဆင့်လည်း ပါဝင်ပါသည်။ သို့သော် အသေးစိတ် ဆက်လက် ဖော်ပြလိုပါသည်။ စိုက်ပျိုးရေးသမားများအတွက် ကြိုတင်ပြင်ဆင်စရာများပေသည်။ နေ့စဉ် ပြောင်းလဲဖြစ်ပေါ်နေသော ရာသီဥတုအခြေအနေ၊ မိမိတို့မမြင်နိုင်သော သို့မဟုတ် မသိနိုင်သော ရောဂါ၊ ပိုးမွှားများ၊ နှောက်ယှက်ဖျက်စီးမည့်အဖျက်များ စသည့် ထည့်သွင်းစဉ်းစားစရာမှာ အတော်အတန်များပေသည်။ ဒါ့အပြင် မိမိတို့အပေါ်လွှမ်းမိုးလာမည့် အရာများကလည်း ရှိသေးသည်။ ဥပမာအနေဖြင့် စျေးကွက်အရ ပွဲစားများ၏ စျေးဖြတ်မှု၊ စိုက်ပျိုးရေးသုံး ဓာတုဆေးများကို ဝယ်ရန်နည်းမျိုးစုံဖြင့် လိုအပ်သည်ထက်ပို၍ အပြိုင်အဆိုင် ဆွဲဆောင်ကြသော အဖြစ်အပျက်များ။ ထိုကြောင့် ပြင်ဆင်ရမည်မှာ နည်းနည်းနောနောမဟုတ်။ အရင်းအနှီး ကုန်ကျစရိတ် သက်သာစေရန်သည် မိမိတို့တောင်သူများ၏ စိတ်ကူဖြစ်သော်လည်း လက်တွေ့မှာ ဆန့်ကျင်နေသည်။ သို့သော် ဒီအတိုင်း မျှောလိုက်နေမည် ဆိုပါက မူလ အခြေအနေထက် တိုးတက်ကောင်းမွန်လာမည် မဟုတ်ပေ။ ဝယ်ယူ၍ အသုံးပြုရမည့် စိုက်ပျိုးရေးသုံး ပစ္စည်းများအစား မိမိတို့အိမ်မှာပင် ပြုလုပ်နိုင်သည့် သဘာဝ မြေသြဇာများ, ပိုးနှင်ဆေးများပြုလုပ်ခြင်းတို့သည်လည်း ကုန်ကျစရိတ်ကိုချွေတာရာ ရောက်ပေသည်။ မိမိတို့ကိုယ်တိုင် စျေးကွက်ရှာကာ လက်လီစိတ်၍ဖြစ်စေ ရောင်းချခြင်းမှာ ပိုမိုများပြားသော အမြတ်များကို ရရှိစေနိုင်သည်။ ဥပမာမျှသာဖြစ်သည်။

ဖော်ပြဆွေးနွေးခဲ့သော အကြောင်းအရာများကို ငွေးကြေးကုန်ကျခြင်း မရှိဘဲ စဉ်းစားတွေးခေါ်နိုင်သည်။ ကွဲလွဲနိုင်သည်။ သို့သော် အဖိုးတန်သော အတွေးအမြင်များကို လက်တွေ့အသုံးချနိုင်မှသာ တန်ဖိုးရှိသော ရလဒ်ကို ရရှိမည်ဖြစ်ပါသည်။

ရှိန်း(လျှံ)

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Facebook page သို့သွားရန်

ဆွေးနွေးချက်များ

ဆွေးနွေးရန်

စိုက်ပျိုးရေး

မွေးမြူရေး

ရေလုပ်ငန်း

အထွေထွေဗဟုသုတ

စိုက်ပျိုးရေးဖြင့် စီးပွားတက်စေဖို့ (၁)

Greenovator ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

စိုက်ပျိုးရေးဖြင့် စီးပွားတက်စေဖို့ (၁)

Greenovator ကြော်ငြာ

ဆွေးနွေးချက်များ

ဆက်စပ်ဆောင်းပါးများ

မြေဆွေးကန်နဲ့ ဝက်မွေးမြူခြင်း

စိုက်ပျိုးသူတို့ဘဝကို မြှင့်တင်ပေးမယ့် စနစ်လေးတစ်ခုအကြောင်း

စရိတ်ကုန်သက်သာ ပဲမျိုးစုံအထွက်တိုး စိုက်ပျိုးနည်းပညာ

{{ post.title }}